S archimedische Brinzip

S archimedische Brinzip isch vor mee as 2000 Joor vom griechische Gleerte Archimedes formuliert worde. Es goot eso:

Dr statisch Ufdriib vom ene Körper im ene Medium isch genauso grooss wie d Gwichtschraft wo s Medium het, wo vom Körper verdrängt wird.

Experimänt zum s archimedische Brinzip bewiise, Illustrazioon vo 1547

S archimedische Brinzip gältet in alle Fluide, d. h. in Flüssikäite und Gaas. Schiff verdränge Wasser und bechömme eso Ufdriib. Wil die middleri Dichdi vom ene Schiff chliiner isch as d Dichdi vo Wasser, schwümmt s Schiff oobe druf. Au Ballöön und Luftschiff nütze die Äigeschaft zum Fliege us. Mä füllt sä mit eme Gaas, wo d Dichdi von em chliiner isch as d Dichdi vo dr Luft drum ume. Die Gaas (z. B. Helium oder Wasserstoff), wo bi Luftschiff und vile Ballöön iigsetzt wärde, si vo Natur us weniger dicht as Luft, in Häissluftballöön wird d Luft im Balloon mit Hilf vo Gasbrenner warmt gmacht und iiri Dichdi nimmt ab.

Weblingg ändere

  Commons: Buoyancy – Sammlig vo Multimediadateie
  Dä Artikel basiert uff ere fräie Übersetzig vum Artikel „Archimedisches_Prinzip“ vu de dütsche Wikipedia. E Liste vu de Autore un Versione isch do z finde.