Üüsserbäärg
Üüsserbäärg (offiziell: Ausserberg) isch e Munizipalgmeind vom Bezirk Weschtlich Araro im Kanton Wallis. Ane 1923 isch die ehemooligi Gmeind Gründe zu Üsserbäärg ygmeindet worde.
Üüsserbäärg | |
---|---|
Basisdate | |
Staat: | Schwiiz |
Kanton: | Wallis (VS) |
Bezirk: | Weschtlich Araro |
BFS-Nr.: | 6191 |
Poschtleitzahl: | 3938 |
Koordinate: | 631302 / 129036 |
Höchi: | 1'008 m ü. M. |
Flächi: | 14.90 km² |
Iiwohner: | 621 (31. Dezämber 2020)[1] |
Website: | www.ausserberg.ch |
Üüsserbäärg | |
Charte | |
GeografiBearbeite
D Gmeind liit am nördleche Bärghang überem Rottutaal.
Dur Üüsserbäärg goot d Ysebaanlinie vo Brig zum Lötschbärgdunnel; me seit dere Streki «Lötschbärg-Südrampe». D Baan goot bi Üüsserbärg über die spektakuläri Brugg vom Baltschiederbachtobel und dur sächs Tunäll.
Im Norde vom Gmeindbann lyt s Taal vom Baltschiederbach, wo nume der südweschtlech Deil zu Üüsserbäärg ghört. Us em Taal füere Wasserleite uf d Fälder vom Dorf, d Wiigartneri, d Undra Suon, d Gorperi und s Niwärch.[2]
GschichtBearbeite
Üüsserbäärg ischt zum eerschtu Mal erwäänt in erer Urkunde vom Joor 1378 als Leucrun (1401 denn als mons episcopi, 1523 mons exterior).
IwonerBearbeite
Quella: Bundesamt für Statistik 2005[3]
Jaar | 1850 | 1860 | 1870 | 1880 | 1888 | 1900 | 1910 | 1920 |
Iwoner | 405 | 387 | 411 | 417 | 443 | 430 | 1097 | 508 |
Jaar | 1930 | 1941 | 1950 | 1960 | 1970 | 1980 | 1990 | 2000 |
Iwoner | 555 | 612 | 631 | 648 | 701 | 696 | 674 | 628 |
Dr Üsländeraateil ischt 2010 bi öppe vier Prozänt glägu.[4]
93 Prozänt vannu Iwonru sint im Jaar 2000 remisch-katholischi gsii, 3 Prozänt evangelisch-reformierti.[4]
PolitikBearbeite
Dr Ggmeindspresident va Üüsserbäärg ischt dr Theo Schmid (Stant Oktober 2017).
Spraach und TialäktBearbeite
Bi dr Volchszellig 2000 heint vannu 628 Iwonru 99 Prozänt Titsch als Höiptspraach aagigää, 0,5 Prozänt Franzeesisch und 0,2 Prozänt Talienisch.[4]
Dr heggschtalemannisch Tialäkt va Üüsserbäärg gcheert zen weschtlichu Tialäktu vam Wallisertiitsch.
BilderBearbeite
LiteraturBearbeite
- Philipp Kalbermatter: Ausserberg In: Historisches Lexikon vo dr Schwiiz.
- Philipp Kalbermatter: Gründen. In: Historisches Lexikon vo dr Schwiiz.
WeblinkBearbeite
FuessnooteBearbeite
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2020. Bei späteren Gemeindefusionen Einwohnerzahlen aufgrund Stand 2020 zusammengefasst. Abruf am 17. November 2021
- ↑ Suone vom Baltschiederbach
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 4,0 4,1 4,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012