Béla Bartók

Dr Béla Bartók (ungarisch Bartók Béla [ˈbɒrtoːk ˈbeːlɒ]; * 25. Merz 1881 in Groß-Sankt-Nikolaus/Nagyszentmiklós, Ööstriich-Ungarn; † 26. Septämber 1945 z Nöi York) isch en ungarische Komponist, Pianist und Musigethnolog gsi und gältet as äine vo de bedütendste Verdräter vo dr Modärne.

Dr Béla Bartók (1927)

Biografii

Im Bartók si Babbe, dr Béla Bartók dr Elter, isch Diräkter von ere landwirtschaftlige Schuel gsi und het im ene Amatöörorkester Tschello gspiilt. S Mueter, d Paula geboreni Voit, isch Leerere gsi. Dr Bartók het e chliineri Schwöster gha, wo Elza (* 1885) ghäisse het. Dr Babbe isch scho früe 1888 gstorbe und d Mueter het d Chinder elläi erzooge. Si het im Bartók dr erst Klavierunderricht gee. Vo 1893 aa het er z Bratislava Muusig und Komposizioon gleert. 1899 het er z Budapest Klavier und Komposizioon afo studiere. Vo 1908 bis 1934 isch er Brofässer für Klavier an dr Franz-Liszt-Musigakademii Budapest gsii. 1909 het er d Márita Ziegler ghürootet, und het mit ere 1910 e Bueb gha, dr Béla. 1923 häi si sich lo schäide, und no im gliiche Joor het er d Klavierstudäntin Ditta Pásztory ghürootet. Au mit iire het er e Bueb gha, dr Péter (*1924). 1940 isch dr Bartók vor em Faschismus in d USA gflüchdet und isch dört 1945 z Nöi York an Löikämii gstorbe. 1988 het er e Staatsbegräbniss uf em Farkasréti-Friidhoof z Budapest bechoo.

Usser em Komponiere het sich dr Bartók mit em süstematische Sammle vo Volkslieder befasst. Er het für daas Räise dur Ungarn, Rumänie, d Slowakei, Siibebürge und dr Vorder Oriänt gmacht und het drbii me as 10'000 Lieder gsammlet, won er fonografiert oder diräkt schriftlig fixiert het. Ghulfe het em ass er meereri Fremdsprooche, drunder Dütsch, Änglisch, Franzöösisch und Russisch chönne het. Im Joor 1916 isch dr Bartók dr Unitarische Chille bidrätte, si Soon isch spööter Bresidänt vo dr ungarische Unitarische Chille worde.

Wärk

S Archiv befindet sich im Palais Erdődy-Hatvany z Budapest.

Büüniwärk 1911: Herzog Blaubarts Burg (A kékszakállú herceg vára). Opere in äim Akt. Libretto: Béla Balázs. Uuruffüerig 24. Mai 1918 Budapest (Königlichs Operehuus) 1914–1916: Der holzgeschnitzte Prinz (A fából faragott királyfi). Danzspiil in äim Akt. Libretto: Béla Balázs. Uuruffüerig 12. Mai 1917 Budapest 1918–1923 (rev. 1924 und 1926-31): Der wunderbare Mandarin (A csodálatos mandarin). Danzpantomime. Libretto: Menyhért Lengyel. Uuruffüerig 27. November 1926 Köln Orchesterwärk 1903: Kossuth. Symphonischi Dichdig für Orchester 1905: Zwäi Suite für Orchester (op. 3, 1905; op. 4, 1905-07) 1907/ 08: Zwäi Bordret für Orchester (Két kép) 1923: Danz-Suite 1936: Muusig für Saiteninstrumänt, Schlaagzüüg und Celesta 1939: Divertimento für Striichorchester 1943: Konzärt für Orchester Konzärt 1905: Rhapsodii für Klavier und Orchester 1907–1908: 1. Violinkonzärt, Uuruffüerig 1958 1926: 1. Klavierkonzärt 1928: 2 Rhapsodie für Violine und Orchester 1930–1931: 2. Klavierkonzärt, Uuruffüerig 1933 1937–1938: 2. Violinkonzärt, Uuruffüerig 1939 in Amsterdam 1940: Konzärt für zwäi Klavier, Schlaagzüüg und Orchester, Uuruffüerig 1943 1945: 3. Klavierkonzärt, Uuruffüerig 1946 (posthum) 1945: Bratschekonzärt Kammermuusig 1908: 1. Striichkwartett 1915–1917: 2. Striichkwartett 1921: 1. Sonate für Violine und Klavier 1922: 2. Sonate für Violine und Klavier 1927: 3. Striichkwartett 1928: 4. Striichkwartett 1931: 44 Duo für zwäi Violine

(Fortsetzig Kammermuusig) 1934: 5. Striichkwartett 1937: Sonate für 2 Klavier und Schlaagzüüg 1938: Kontrast für Violine, Klarinette und Klavier 1939: 6. Striichkwartett 1944: Sonate für Violine solo Klavierwärk 1900: 4 Klavierstück 1908: 14 Bagatelle 1908: Gyermekeknek. 85 Stück für Chinder noch ungarische und slowakische Volkslieder 1911: Allegro barbaro 1913: 18 liichti Stück 1915: 6 rumänischi Volksdänz 1916: Suite op. 14 1914–1918: 15 ungarischi Buuredänz 1926: 9 chliini Klavierstück 1926: Im Freie (Szabadban) 1926: Klaviersonate 1926–1937: Mikrokosmos. 153 Stück öbbe 1900: Dorfszeene Vokalwärk 1898 ff.: Lieder mit Klavier 1912: 4 alti ungarischi Volkslieder für gmischte Chor 1924: Dorfszenen – Sammlig vo fümf Wärk für Singstimm und Klavier 1930: Cantata profana - Die Zauberhirsche für Tenor, Bariton, Doppelchor und Orchester 1935: Aus alten Zeiten für dreistimmige gmischte Chor Schrifte 1924: Das Ungarische Volkslied 1923: Die Volksmusik der Rumänen von Maramuresch 1935: Die Melodien der rumänischen Colinde 1936: Warum und wie wir Volksmusik sammeln. 1937: Volksliedforschung und Nationalismus

Litratuur

• Elliott Antokoletz: Béla Bartók. Garland, Nöi York 1997.
• Péter Bartók: My Father. Bartók Records, Homosassa/Fla 2002.
• Pierre Citron: Bartók. Seuil, Bariis 1994.
• Everett Helm: Béla Bartók. Rowohlt, Hamburg 1981.
• Lajos Lesznai: Béla Bartók. Sein Leben - seine Werke. Deutscher Verlag für Musik, Leipzig, 1961.
• Tadeus A. Zieliński: Bartók. Leben Werk Klangwelt. Münche Mainz 1989.

Weblingg

 Commons: Béla Bartók – Album mit Multimediadateie

• Wärch vu un iber Béla Bartók in dr Dytsche Digitale Bibliothek
• Regina Haunhorst: Béla Bartók. Tabellarische Lebeslauf im LeMO (DHM und HdG)
• Gmeinfreji Note vu Béla Bartók im International Music Score Library Project
• Béla Bartók in dr Internet Movie Database
• Literatur über Béla Bartók in der Bibliographie des Musikschrifttums
• Peter Hughes: Béla Bartók: Composer. 1881–1945. In: Notable American Unitarians (harvardsquarelibrary.org).
• Ferenc Bónis: Comments on Béla Bartók’s Working Method in Dealing with Proofs for His Violin Concerto (1937–1938). (PDF; 745 kB)
• Béla Bartók – Josef Suk. In: hr-online.de, 9. März 2005 (Informationen zur Entstehung des Violinkonzerts Nr. 2 und zu Bartóks Emigration).
• Béla Bartók (1881–1945). Werkverzeichnis auf Klassika.info.
• zti.hu Virtual Exhibition