Badisches Tagblatt
S Badisch Dagblatt (BT) (dt. Badisches Tagblatt) isch e Dageszittung fir dr Landgreis Raschti un d Stadt Bade-Bade, wu z Bade-Bade erschint. Si unterhaltet vier Lokalredaktione z Bade-Bade (Badener Tagblatt), z Raschti (Rastatter Tageblatt), z Gaggenau (Der Murgtäler) un z Bihl (Bühlot-Acher-Kurier). D Uflag litt zurzitt bi rund 32.207 Exemplar.[1]. Chefredakteur isch dr Markus Langer.
|
Gschicht ändere
S Badisch Dagblatt isch anne 1951 üs em Zämmeschluss vu dr Zittunge Südwest-Echo (Raschti) un Badener Tagblatt (Bade-Bade) firigange[2]
S Badener Tagblatt isch ürspringlg unter em Name Anzeigenblatt für die Großherzogliche Stadt Baden im Johr 1811 as Kür- un Aazeigezittung grindet wore. Anne 1941 het d Zittung wäg em Krieg nimmi derfe erschine, dr Verdrib isch drno im Mantel vum Völkische Beobachter erfolgt. Im Aügschte 1945 het s Badener Tagblatt as erschti Dageszittung in dr franzesische Besatzungszone e Lizänz bikumme.[3]
S Südwest-Echo geht zruck uf s Rastatter Wochenblatt üs em Johr 1803.[2]
Verlag ändere
Dr Verlag, d Badisches Tagblatt GmbH, git aü zwo koschtelosi Wuchezittunge rüs, s Wochenjournal (WO) (mit ere Uflag vu rund 162.000 Exemplar) un s WO am Sonntag (Uflag rund 127.500).[2]
Druck ändere
Druckt wäre d Verlagsprodukt bi dr Greiserdruck GmbH & Co. KG z Raschti.[4]
Fueßnotte ändere
- ↑ no IVW, dritts Quartal 2016, Mo–Sa (Detail un Quartalsverglych uf ivw.eu)
- ↑ 2,0 2,1 2,2 Badisches Tagblatt GmbH
- ↑ 200 Jahre Zeitungsgeschichte in Baden
- ↑ „Kein Bogenoffsetdruck mehr“ (Druck&Medien am 30. März 2010)
Weblink ändere
Dä Artikel basiert uff ere fräie Übersetzig vum Artikel „Badisches_Tagblatt“ vu de dütsche Wikipedia. E Liste vu de Autore un Versione isch do z finde. |