Bayrischer Sprochatlas

Dialäkt: Undermarkgreflerisch

Dr Bayrisch Sprochatlas (BSA) (dt. Bayerischer Sprachatlas) isch e Forschigsprojäkt, wu d Dieläkt vum Frejstaat Bayern din in dr ganze Flechi un mit eme breite thematische Umfang dargstellt wäre in dr Form vu Sprochatlante go si zuegä#ngig mache fir d Forschig, aber au fir alli andre Inträssierte. Gegestand vu dr Erhebig isch dr bodständig Dieläkt, wien er in dr urspringligschte Form gschwätzt wird vor allem vu eltere Lyt us em Umfäld vu dr Bure un Handwärcher.

Deilprojäkt ändere

S Gsamtprojäkt Bayrischer Sprochatlas glideret sich in segs Regionalprojäkt:

  • Dr Sprochatlas vu Bayrisch-Schwobe isch as erschts Deilprojäkt 1980 vu dr Universitet Augschburg mit Probeufnahme aagfange wore. Di richtige Erhebige sin vu 1984 bis 1989 durgfiert wore, vereffentligt wore isch dr Sprochatlas zwische 1996 un 2006.
  • Am Sprochatlas vu Nordoschtbayern wird syter 1981 an dr Universitet Bayreuth gschafft. D Erhebige hän zwische 1981 un 1999 stattgfunde. Vereffentligt wird er syt 2004.
  • Dr Sprochatlas vu Mittelfranke isch 1989 an dr Universitet Erlange grindet wore. No dr Erhebige zwische 1991 un 1998 isch anne 2003 mit dr Publikation aagfange wore.
  • Am Sprochatlas vu Unterfranke wird syt 1989 an dr Universitet Würzburg gschafft. De Erhebige sin zwische 1991 un 1996 durgfiert wore. Dr erscht Band isch 2005 vereffentligt wore.
  • Mit em Sprochatlas vu Niderbayern isch 1989 an dr Universitet Passau aagfange wore. Noch em Abschluss vu dr Befrogige 1998 isch 2003 d Publikation mit em 2. Band aagfange wore.
  • Am Sprochatlas vu Oberbayern wird syter 1991 an dr Universitet Passau gschafft. D Erhebige sin 1998 abgschlosse wore un dr erscht Band isch anne 2008 erschine.
  • Deilergebnis vu dr einzelne Sprochatlante sin syt 1999 an dr Universitet Augschburg zämmegfasst wore un sin 2006 as Kleiner Bayerischer Sprachatlas erschine.
  • 2008 sin d Charte vum chleine bayrische Sprochatlas zämme mit Tondokumänt as Sprechender Sprachatlas von Bayern online zuegängig gmacht wore.

Weblink ändere

„Sprechender Sprachatlas von Bayern“

  Dä Artikel basiert uff ere fräie Übersetzig vu dere Version vum Artikel „Bayerischer_Sprachatlas“ vu de dütsche Wikipedia. E Liste vu de Autore un Versione isch do z finde.