Hauptmenü ufmache
dr Benoît Violier (2015)

Dr Benoît Violier (* 22. Augschte 1971 z Saintes, Charente-Maritime, Frankrych; † 31. Jänner 2016 z Crissier, Schwyz[1]) isch e schwyzerisch-franzesische Choch gsii. Är het syter anne 2012 s Restaurant l'Hôtel de Ville z Crissier glaitet.

LääbeBearbeite

Scho ase chlai het dr Benoît Violier d Fraid am Chochen entdeckt. Vu 1987 bis 1990 het er e Lehr as Choch un aini as Konditor-Confiseur-Chocolatier bim Didier Stéphan gmacht. Noch em Abschluss vu syre Lehr het er z Bordeaux, z Toulouse un z Senlis gschafft. Anne 1991 isch er uf Paris gange zue dr große Chech vu dr franzesische Chuchi. Är isch Schueler vum Joël Robuchon, em Frédy Girardet un em Philippe Rochat gsii.[2] Är het unter em Guichard, em Bruno Gricourt, em Sylvain Knecht, em Jean Phillipon, em Frédéric Anton un em Eric Bouchenoire gschafft.

Anne 1996 isch er zum Frédy Girardet in däm sy glychnamig, mit 3 Michelinstärn uuszaichnet Reschtaurant z Crissier bi Lausanne gange. Är isch au blibe, wu s Reschtaurant an dr Philippe Rochat verchauft woren isch dr Name de l'Hôtel de Ville iberchuu het. Anne 1999 isch er Chuchischef wore un im Johr dernoo het er dr Titel vun eme Meilleur Ouvrier de France („Beschte Handwärcher vu Frankrych“) iberchuu.

Im April 2012 het dr Benoît Violier zämme mit syre Frau Brigitte sälber d Laitig vum Reschtaurant ibernuu. No dr Ibernahm isch s Reschtaurant wider mit 3 Michelinstärn uuszaichnet wore, wu s scho syt 1998 het.[3]

Dr Violier isch Ändi Jänner 2016 im Alter vu 44 Jahren dur Suizid gstorbe.[1]

SchrifteBearbeite

  • La cuisine du gibier à poil d'Europe dans l'art de la chasse. Éditions Gerfaut 2008
  • La cuisine du gibier à poil d'Europe. Éditions Favre 2013
  • Facile, rapide, délicieux. Éditions Favre 2014
  • La cuisine du gibier à plume d'Europe. Éditions Favre 2015

UuszaichnigeBearbeite

  • 2000 – Meilleur Ouvrier de France
  • 2012 – 3 Stärn (Guide Michelin)
  • 2012 – 19 Pinkt (Gault-Millau)
  • 2012 – Choch vum Johr (Gault-Millau)
  • 2016 – 9. Blatz vu dr wältwyt beschte 100 Schef (Le Chef)[4]

WeblinkBearbeite

FueßnoteBearbeite

  1. 1,0 1,1 Suizid: Der 44-jährige Sternekoch Benoît Violier ist tot. sda-Artikel uf solothurnerzeitung.ch, 1. Februar 2016.
  2. J. P. Géné: Benoît Violier, maître ès gibiers. Le Magazine du Monde, 22. Oktober 2015, abgruefen am 1. Februar 2016.
  3. Das ist der Koch des Jahres 2013. Tages-Anzeiger, 9. Oktober 2012, abgruefen am 1. Februar 2016.
  4. 100 Chef. LeChef.com, 19. Januar 2016 (pdf; 4,7 MB).
    528 Sterneköche wählen die 100 besten Küchenchefs. (Memento vom 1. Februar 2016 im Internet Archive) restaurant-ranglisten.de, 20. Jänner 2016, abgruefen am 1. Februar 2016.
  Dä Artikel basiert uff ere fräie Übersetzig vu dere Version vum Artikel „Benoît_Violier“ vu de dütsche Wikipedia.

E Liste vu de Autore un Versione isch do z finde.