Bernd Merkle
| Dialäkt: Schwäbisch |
D Bernd Merkle (* 2. Januar 1943 z Esslenga am Necker) ischt a deitscher Schriftsteller, wo ondr andrem au Litradur em schwäbischa Dialekt – Kurzgschichda, Sketsch ond Gedicht – schreibt.
Aus seim Leaba ändere
Dr Bernd Merkle ischt am 2. Januar 1943 z Esslenga am Necker als Soh vo-ma Gärtnermoischder uff d Welt komma ond en Gebbenga uffgwachsa, wo-nr au en d Schuel ganga ischt. Noch-ra Lehr zom Mascheenaschlosser hot’r sich vo 1965 bis 1969 an dr Pädagogischa Hochschuel z Schwäbisch Gmend zom Lehrer ausbilda lassa. Sei erschda Stell hot’r 1970 an dr Grond- ond Hauptschuel en Zell am Aichlberg kriegt. Zwoi Johr späder – der jonge Moo ischt grad amol achtazwanzga gwäa – ischt’r Rekdor an sellra Schuel worra. Oft ischt’r bei de Dorffescht mit eltre Eiwohner zammakomma ond hot sich deane ihre Gschichda oogheert, wo-nen emmer mol wiider mit de Ohra hend schlackra lassa. Des hot-en uff dui Idee brocht, dia Erzehlonga a bissle auszoschmicka ond niiderzoschreiba. 1986 hot’r an Vorlag gfonda, wo sei erschts Buach So semmer hald rausbrocht hot: dr Karl Knödler Verlag z Reitlenga. Noch drei weitre Biacher ischt’r zom Silberburg Verlag Diibenga gwechslet.
Maßgeablich fir da Erfolg vom Merkle seine Biacher send abr au dia Bilder, wo vo seira Frau Helga ond vo seira Dochter Anja oogferdicht werdet.
Ehronga ändere
Em Johr 2008 isch em Bernd Merkle dr Sebastian-Blau-Preis fir D Martha oder: Mr wird hald älder – erschiina em Biachle ’s goht ällaweil weiter – vorliha worra.
A Auswahl vo seine Biacher ändere
- So semmer hald
- ‘s goht ällaweil weiter
- Schwäbische Gedichte
- Isch des schee!
- Gibts ebbes Neis?
- Jetzd guck no!
- Au no dees
- Mr sodds et glauba
Leseprob ändere
A Leseprob fendet mr em Ardikl Schwäbische Schreibweisa vo professionelle Autora.
Quell ändere
- Kurzbiografii uff-em hentra Buachdeckl vom Biachle So semmer hald, Verlag Karl Knödler, Reutlingen, 1987, ISBN 3-87421-155-X
- Lueg d Weblink