Bernd Riexinger

ditsche Bolitiker
Dialäkt: Undermarkgreflerisch

Dr Bernd Riexinger (* 30. Oktober 1955 z Leaberg) isch e dytsche Gwärkschafter un Bolitiker (Die Linke). Syt em 2. Juni 2012 isch er zämme mit dr Katja Kipping Bundesvorsitzende vu syre Bartei.

Bernd Riexinger (2018)

Läbe ändere

Dr Riexinger het no dr Schuel e Uusbildig as Bankchaufmann gmacht un het derno bis anne 1980 in syym Bruef gschafft. Bi dr Leabärger Böusparkasse isch er derno bis anne 1990 freigstellte Bedribsrot gsii. Syt 1991 isch er Gwärkschaftssekretär vu dr Gwärkschaft ver.di. Zeh Johr speter isch er Gschäftsfierer vum vum Bezirk Stuegert wore. Är isch e Mitglid vu dr Initiative zur Vernetzung der Gewerkschaftslinken un macht mit bi dr Sozialforumsbewegig z Dytschland.

Dr Bernd Riexinger läbt zämme mit syre Läbespartnerin un däre ihre Dochter z Stuegert.

Bolitik ändere

Anne 2003 het dr Riexinger zue dr Initiatore vu Protescht gege d Agenda 2010 vu dr domolige Bundesregierig gsii. Vu 2004 bis zum Zämmeschluss vu dr WASG un dr Die Linkspartei.PDS zue dr nei Bartei Die Linke im Oktober 2007 isch dr Riexinger Landessprächer vu dr WASG z Bade-Wirttebärg gsii. No dr Fusion isch er Mitglid vum gschäftsfierende Landesvorstand z Bade-Wirttebärg wore.

Am 30. Mai 2012 het dr Riexinger syy Kandidatur fir dr Bundesvorsitz vu dr Bartei Die Linke bekannt gee[1] un isch am 2. Juni 2012 mit 53,5 % vu dr Stimme zum Bundesvorsitzende gwehlt wore. Är het sich doderby gege dr Dietmar Bartsch duregsetzt.[2][3]

Vereffentlichunge un Rede (Uuswahl) ändere

Weblink ändere

Fueßnote ändere

  1. Bernd Riexinger kandidiert für Bundesvorsitz. Stuttgarter Zeitung, 30. Mai 2012
  2. Kipping und Riexinger führen tief zerstrittene Linke Spiegel Online, 2. Juni 2012. Abgruefen am 3. Juni 2012
  3. Wahl des Parteivorstandes (Memento vom 15. Mai 2013 im Internet Archive). Die Linke, 2. Juni 2012