Brandhärd
Brandhärd isch e Hip-Hop-Band us de Baselbieter Gmeinde Allschwil und Schönebuech. Hützudags isch d Grubbe in dr ganze Dütschschwiiz bekannt.
| Allgmeini Informatione | ||
| Genre | Schwiizer Hip-Hop | |
|---|---|---|
| Website | http://www.brandhaerd.ch | |
| Aktuelli Bsetzig | ||
DJ |
Johny Holiday | |
Rap |
Fetch | |
Beats |
Fierce | |
| Dialäkt: Baseldütsch |
Biografii ändere
D Band bestoht us de drei Fründ Johny Holiday, Fetch und Fierce, wo scho sit 1997 zämme si. Im Johr 1999 hai si die erste Ufdritt gha und im Johr 2000 isch s Demotape Hip-Hop für d’Aiightgnossäschaft erschiine. Spöter isch d EP Flächebrand uusechoo und vo do aa isch s steil ufwärts gange mit Videoclips und ere versterkte Bühnepresänz.
2003 hai si mit Noochbrand dr erst Hit glandet, wo in de Schwiizer Charts (Besti Position 53) ufgfüehrt worden isch, zwei Johr druf isch s Album Zeiche setze uusechoo, wo s sogar in d Top 20 gschafft het. Es isch uf e 13. Blatz iigstiige. Zeiche setze isch s erste Album vo Brandhärd gsi, wo über s Label Musikvertrieb (muve) erschiine isch.
2007 isch s Album Brandrenalin uusechoo, wo in dr offizielle Schwiizer Hitparade uf Blatz 19 in de Albumcharts iigstiige isch. Noch 5 Wuchen isch d CD wider us de Charts uusegflooge. Im Septämber 2006 het sich d Gruppe mit em Kameruner Rapper Mamoney zsämmedoo und mit ihm hai si e Hufe Konzärt gee und im April 2007 s Kollabolbum Même sang veröffentligt. Säll isch ei Wuche noch em Aafang vom Verchauf in dr Schwiizer Hitparade uf Rang 44 gstande, het sich dört aber nume drei Wuche chönne halte und isch denn uf e 52. und drnoch uf e 96. Blatz gfalle. Au Même Sang isch über Muve erschiine.
Im Johr 2010 isch Blackbox uusechoo. und 2015 ihr bis jetzt letschts Album under em Name Zuckerbrot & Peitsche.
Diskografii ändere
- 2000: Hip-Hop für d’Aiightgnossäschaft (Tape)
- 2001: Brandalarm (Maxi)
- 2002: Flächebrand (EP)
- 2003: Noochbrand (EP)
- 2004: Survival Of The Hartnäckigscht (Maxi)
- 2005: Zeiche setze
- 2007: Même sang (mit Mamoney)
- 2007: Brandrenalin
- 2010: Blackbox
- 2015: Zuckerbrot & Peitsche
Uszeichnige ändere
- 2004: Kulturbriis Allschwil[1]
- 2007: Best Swiss Hiphop Music Video-Nomination an dr Slangnacht
- 2007: Jury- und Publikumsbriis-Nominierig an de 43. Solodurner Filmdäg
- 2008: Best Swiss Hiphop Music Video an dr Slangnacht[2] https://web.archive.org/web/20131026102834/http://sam-flueckiger.ch/56401.html
- 2010: RegioSoundCredits[3]
- 2010: Best Rap Combo an dr Slang Nacht
- 2010: 2. Basler Pop-Preis Publikumsbriis[4]
Weblingg ändere
Fuessnote ändere
- ↑ Chronik des Kantons Basel-Land; November 2004 Archivlink (Memento vom 6. Juni 2016 im Internet Archive)
- ↑ Brandhärd gewinnt an der Slangnacht den Award: Best Rap Combo 2010 Archivlink (Memento vom 29. Augschte 2011 im Internet Archive)
- ↑ Anna Aaron und Brandhärd erhalten Preise. Archiviert vom Original am 16. April 2010; abgruefen am 22. Juni 2011.
- ↑ The Bianca Story gewinnen 2. Basler Pop-Preis
|
Dä Artikel basiert uff ere fräie Übersetzig vu dere Version vum Artikel „Brandhärd“ vu de dütsche Wikipedia. E Liste vu de Autore un Versione isch do z finde. |