Brigitte Fuchs

Schwiizer Lyrikerin

D Brigitte Fuchs, wo anne 1951 z Widnau im Kanton Sanggallen uf d Wält cho isch, isch e Schwiizer Lyrikerin.

Si isch z Widnau im Sanggaller Rhintl mit iirem Mäitliname Brigitte Frei ufgwachsen und ufs Leereseminar Mariabäärg z Rorschach ggange und het i de Kantöön Sanggallen und Aargau Schuel ggää. Si het 1973 dr Paul Fuchs ghürootet und läbt sit 1979 z Töüffetu. Näbet dr Schuel het si sich au für s Chinderhilfswäärch Unicef und für e Schriftstellerinneverband femscript engaschiert. vo 1995 bis 2003 het si d Redakzioon vo dr Kulturzytschrift vom Schwizer Ex Libris-club gha.

D Fuchs schrybt Lyrik, Prosa und Aforismen und macht sproochspiilerischi Texte. Väärs vo iire sind in Zytige, Lyrikzytschriften und Anthologie usecho und i verschideni anderi Sproochen übertreit. D Lyrikerin isch uff Lääseverastaltige ufträtte, so wie am Rilke-Festival z Siders anne 2003 und bim Internazionale Lyrikfestival Basel 2019. Si isch bim Veräin Autorinnen und Autoren der Schweiz drby. Für em Andreas Neeser sys Buech vo anne 2013 mit em Titel Übers Wasser tanzt en Schy zum Wäärch vom Dichter Paul Haller het d Fuchs s Gedicht «De Fade söl kes Ändi ha» gschribe.

D Brigitte Fuchs het dr Joachim-Ringelnatz-Prys, en Prys vom Förderprys Meran, und Uszäichnige vom Aargauer Kuratorium übercho und macht bi dr Jury vom Heinz-Weder Prys für Lyrik mit.

Wäärch (en Uuswahl) ändere

  • An und für sich, 1986
  • Herzschlagzeilen, 1989
  • Verschiebungen, 2000
  • Solange ihr Knie wippt, 2002
  • Salto wortale – Sprachliche Kapriolen,
  • Himmel. Nochmal. Sätze zur Welt und darüber hinaus. Aphorismen und Fotos, 2011
  • Es tanzt der Stein, 2014
  • Tiermal4, 2014
  • Musik von weit her, 2020

Weblink ändere