Dr Sidoschtdail vu dr Insle Neiginea isch as Britisch-Neiginea e britischi Kolony gsii. Dr Weschtdail isch di niderländisch Kolony Nioderländisch-Neiginea gsii, dr Nordoschte isch as Chaiser-Wilhelms-Land Dail vu dr dytsche Kolony Dytsch-Neiginea gsii.

dr Fahne vu dr Kolony
Bolitischi Charte vu Neiginea vu 1884 bis 1919: Niderländisch-Neiginea (links), Chaiser-Wilhelms-Land (rächts obe) un Britisch-Neiginea (rächts unte)

Gschicht ändere

Anne 1883 het dr Thomas McIlwraith, dr Premierminischter vu Queensland, em Bolizeirichter uf Thursday Island, em Henry Chester, dr Ufdrag gee, dr erschtli Dail vu Neiginea im Name vu dr britische Regierig in Bsitz z nee. Dr Chester het am 4. April 1883 in dr grad nei grindete Sidlig Port Moresby dr britisch Fahne ufzoge. Wel er doderzue nit autorisiert gsii isch, het des di britisch Regierig aber nit anerkännt. Wu di auschtralische Kolonie im Johr druf finanziälli Unterstitzig zuegsait ghaa hän, het dr James Elphinstone Erskine, dr Commodore vu dr auschtralische Station, s Biet am 6. Novämber 1884 vum 141° O bis zum Oschtkap un derzue ne baar chlaini Insle ind rNechi vum Feschtland an dr Goschen-Stroß un im side, mitsamt dr Kosmann-Insle zum britische Protektorat Britisch-Neiginea (British New Guinea territory) erklert. Am 9. Dezämber isch dr Erskine ghaiße wore, s britisch Protektorat au uf d D’Entrecasteaux-Insle un di chlainere Nochberinsle uuszdehne. Zerscht isch dr Generalmajor Peter Scratchley, no dr John Douglas Sunderbevollmächtigte fir s Britisch Neiginea-Protektorat mit Sitz z Port Moresby.

Am 4. Septämber 1888 isch no ihne as Adminischtrator dr William MacGregor chuu. Är het gly no syre Aachumft di formäll Bsitzergryfig verchindet, doderudr isch Britisch-Neiginea (British New Guinea) zur britische Chronkolony wore. Regierig un Verwaltung sin vu Queensland uus gange un nit vu London. Am 1. Septämber 1906 isch Britisch-Neiginea as Territorium Papua (Territory of Papua) an Auschtralie zur Verwaltig iberdrait wore.

Sunderbevollmächtigti ändere

  • 1884–1885 Peter Scratchley, Sunderbevollmächtigte vu Großbritannie fir s Britisch Neiginea-Protektorat
  • 1885–1886 Hugh Hastings Romilly (im Amt)
  • 1886–1887 John Douglas

Adminischtratore ändere

  • 1888–1895 William MacGregor

Gouverneur ändere

  • 1895–1897 William MacGregor
  • 1898–1903 George Le Hunte
  • 1903–1904 Christopher Stansfield Robinson (im Amt)
  • 1904–1907 Francis Rickman Barton (im Amt)

Weblink ändere

  Dä Artikel basiert uff ere fräie Übersetzig vu dere Version vum Artikel „Britisch-Neuguine“ vu de dütsche Wikipedia. E Liste vu de Autore un Versione isch do z finde.