Hauptmenü ufmache


Diè insgsamt 68 Kilometer langi Bundesschtrõß 317 (Abkürzig: B 317) fangt z Wyl am unterè Basler Rhyknǜǜ aa, im Dreiländeregg Frankrych//Schwiz//Dütschland. Uff eim churzè Deilschtugg gòt si als „zollfreyi Strõß“ übber Schwizer Territorium. Ab Lerrach volauft diè Strõß in nordöschtlicher Richtung – ab Todtnau zimli gäch im Faaler Loch nõch aaschtygend – znägscht durch s Wiisèdal uèzuès un füürt dirèkt obberhalb vo dè Quälle vo dè Wiisè übber dè Fäldbärgpass. Si hört zwǜschè Titisee un Neuschtadt uff, i dèm si chrützigsfrei i d B 31 bi Neuschtadt-Wescht ymündet.

Vorlage:Infobox hochrangige Straße/Wartung/DE-B
Bundesstraße 317 in Deutschland
Bundesstraße 317
Karte
Rute vo dr B 317
Basisdaten
Betriiber: Bundesrepublik Deutschland
Gsamtlengi: 68 km

Bundesland:

Bligg vom Großparkblatz a dè högschstglegènè Stell vo dè B 317 uff dè Skihaaldè am Seebuck

Deil vo dè Bundesstrõß isch dört obbè rächtlich gsää au d Stichschtrõß am Seebuck, wo a dè Fäldbärgpasshöchi in nördlicher Richtig abzwygt un witer uèzuès zum Hotel Fäldbärger Hof sowiè zu dè Dalschtation vo dè Fäldbärgbaan füprt. Im Zämmèhang mit èm Bau von èm Chreisvokeer unterhalb vom Hotel un ènèrè neuè Zuèfaart zum Großparkblatz für Dagestourischtè sin im Johr 2007 nu diè letschtè 160 Meter vo sèllèrè urschprünglich 856 Meter langè Strõß in è Gmeindschtrõß umgwidmet un dõmit i d Baulascht vo dè Gmeind Fäldbärg übberfüürt.[1] Dõdemit befindet sich diè högschstglègeni Stell vo dè B 317 nit a dè Passhöchi, sondern am sebbèm Chreisvokeer.

Diè „eigèntlich“ Bundesschtrõß füürt in irem witerè Volauf abbè zum Fäldbärger Ortsdeil Bärèdal, übberquert dört d Dreiseèbaan (Dütschlands högschtglègeni Normalschpurysèbaaschtreggi) uumittelbar a sèllèrè irem Scheitelpungt un denn witer absi im SeebachdalTitisee, wo si a dè Ymündung zu dè B 31 uff zwǜschè Titisee un Neuschtadt z Ènd gòt.

Neuschti Baugschichtè un BlaanigèBearbeite

Johrzentelang isch schu a dè Stadtgränz vo Wyl wo è dirèkti Vobindig gu Lerrach durch è fäälends Deilschtugg vo 738 Meter Längi unterbrochè isch. Nõch langem Rächtsschtritt un sibbè Johr Bauzit isch „diè Zollfreyi“ 2013 eröffnet worrè. [2]

Witeri Baumaßnaahmè stôn no uus: Asè söll dè Aaschluss vo dè Zollfreischtrõß z Lerrach als Chreisvokeer realisyrt wörrè, für wellè èrscht nò s Baurächt hèt gschaffè wörrè muèsè.. Mit èm Büèz isch im Früèjohr 2014 aagfangè worrè. Fèrner stôn no Maßnaamè zum Lärmschutz uus. D Fèrtigschtellig vo sèllènè Maßnaamè isch für dè Früèling 2015 avisyrt worrè.[2][3]

Luèg auBearbeite

EinzelnõchwysBearbeite

  1. Bekanntmachig vom Regyrungsbräsidiums Fryburg vom 31. Juli 2007 übber d Abschtufung von èrè Deilschtreggi vo dè B 317 (Stichschtrõß zum Fäldbärg) im Landchreis Briisgau-Hochschwarzwald (PDF; 8 kB)
  2. 2,0 2,1 Sabine Ehrentreich: Spaziergänger weihen Zollfreie Straße ein. Badischi Ziting, 3. Oktober 2013, abgerufen am 3. Oktober 2013.
  3. dam: Schäfer: 2014 Baubeginn für den Kreisel. Badischi Ziting, 5. Oktober 2013, abgerufen am 6. Oktober 2013.


  Dä Artikel basiert uff ere fräie Übersetzig vu dere Version vum Artikel „Bundesstraße_317“ vu de dütsche Wikipedia.

E Liste vu de Autore un Versione isch do z finde.