Cécile Verny

D Cécile Verny (* 1969 z Abidjan, Elfebaikischte) isch e dytsch-franzeesischi Jazz-Sängeri afrikaanischer Häärchumft un Frontfrau vum Cécile Verny Quartet.

d Cécile Verny, 2017

Lääbe un Wiirke

D Cécile Verny isch as Chind in dr Elfebaikischte ufgwagse un isch anne 1981 mit zwelf Joo ruf Franryych iibergsiidlet. Mit 17 Joor het si eerschti Biinenerfaarig as Sängeri gsammlet. Scho ai Joor speeter het si mit drie Muusiker 1989 z Stroßburi s Jazz-Quartett grindet, wu ire Name drait. Anne 1989 isch si uf Fryburg zooge, im Vooroort Umkirch woont si hite no. Si het zwai Chinder (* 1997 un * 1999).

D Cécile Verny schrybt iri Liedtäxt sälber un singt die vor allem uf Franzeesisch un Änglisch, aber au uf Dytsch.

D Cécile Verny un ir Band sin vylfach uuszaichnet woore, unter anderem het si mit em Quartett 2006 dr Bryys vu dr dytsche Schallblattekritik fir The Bitter and The Sweet al „künstlerisch herausragende Neuveröffentlichung“ im Beraich Jazz iiberchuu.

An 27. Mai 2020 het si mit eme Kunzärt im Fryburger Jazzhuus d Live-Streaming Raie #inFreiburgzuhause ufgmacht, go d Kultuurszeene z Fryburg in dr Zyt vu dr Corona-Pandemy z unterstitze.

Diskografy

Cécile Verny Quartet

• Oazoo (1992)
• Patchwork (1995); fir Jazz D'Or
• Expressive Impressionen (1995); live bim ZMF
• Coquelicot – melodie de vie (1997); Cécile Verny Quartett un anderi
• Got a Ticket (1998)
• Métisse (1999)
• Kekeli (2002)
• Cécile Verny Quartet – live in Antibes (DVD, 2004)
• The Bitter and the Sweet (2006)
• Amoureuse (2008)
• Keep some secrets within (2010)
• Fear & Faith (2013)
• Memory Lane (2014)
• Of Moons and Dreams (2019)

Anderi Projäkt

• Le Jazz a plein tubes (1991) mit em Orchestre Regional de Jazz d'Alsace
• Dimba (1995) mit Tschisungu Kalomba & Kassala
• Jazz Affairs (1996) mit Peter Baumgärtners Jazzfriends
• Dance Away Your Sorrows (1996) mit NDeez Soul (mit em Max Zentawer)
• Of Course (2000) mit Kilian Heitzler Big Band
• A New Beginning (2001) mit Intuit
• I'm on My Way (2003) mit em Reiner Regel un em Gottfried Böttger
• Intuit 2004 (2004) mit Intuit

Solo-CD

• European Songbook (2005) mit dr Muusiker vum Quartett un drei Bleeser (u. a. Sébastien Jarrousse)
• Cécile Verny & Johannes Maikranz Mein Liedgut (GLM 2019)

Weblink

 Commons: Cécile Verny Quartet – Sammlig vo Multimediadateie

• Verny Cécile Verny bi Discogs (änglisch)
• Websyte vu dr Cécile Verny

Fueßnote

Dä Artikel basiert uff ere fräie Übersetzig vu dere Version vum Artikel „Cécile_Verny“ vu de dütsche Wikipedia. E Liste vu de Autore un Versione isch do z finde.