Caracalla

Dr Caracalla (* 4. April 188 z Lugdunum, im hütige Lyon; † 8. April 217 in Mesopotamie) isch vo 211 bis zu sim Dood römische Kaiser gsi. Si offizielle Kaisernaame isch Marcus Aurelius Severus Antoninus gsi. „Caracálla“ isch nume e Spitznaame gsi, vo vo sim Kabuzemantel cho isch.

E Büste vom Caracalla im
Puschkin-Museum

Im Caracalla si Vater Septimius Severus, wo die severischi Dünastii gründet het, het en 197 zum Mitherrscher erhoobe. Noch em Dood vom Vater am 4. Februar 211 isch er zämme mit sim jüngere Brueder Geta dr Noochfolger worde. Scho im Dezämber 211 het er dr Geta lo umbringe. Denn het er z Rom e groosses Massaker an de Aahänger vom Geta aagstellt und het vo denn aa as Eläiherrscher regiert.

Dr Caracalla het sich vor allem um militärischi Belang kümmeret und d Soldate begünstiget. Das het au scho si Vater eso gmacht, und het schliesslig zu de Soldatekäiser gfüert. Er isch gege jedi Opposizion seer brutal vorgange und isch dorum vo dr zitgenössische senatorische Gschichtsschriibig seer negativ beurdäilt worde. Bi de Soldaten hingege isch er seer beliebt gsi, au noch sim Dood.

Won er e Fäldzug gege d Parther vorberäitet het, isch dr Caracalla von ere chliine Grubbe vo Verschwörern us persönlige Motiv umbrocht worde. Wil er käni Chinder gha het, isch mit iim die severischi D[nstii usgstorbe.

Dr Caracalla isch vor allem in Erinnerig bliibe für d Caracalla-Therme und d Constitutio Antoniniana, e Dekreet vo 212, won er mit em fast alle freie Riichsbewooner s römische Bürgerrächt gee het.

Litratuur

• Archäologisches Landesmuseum Baden-Württemberg (Hrsg.): Caracalla. Kaiser, Tyrann, Feldherr. Philipp von Zabern, Mainz 2013, ISBN 978-3-8053-4611-5 (Bildband; Sammlung von Beiträgen verschiedener Autoren)
• David S. Potter: The Roman Empire at Bay, AD 180–395. London/Nöi York 2004, ISBN 0-415-10057-7, S. 110–124, 133–151
• Gerhard Wirth: Caracalla in Franken. Zur Verwirklichung einer politischen Ideologie. In: Jahrbuch für Fränkische Landesforschung 34/35, 1975, S. 37–74

Weblingg

 Commons: Caracalla – Sammlig vo Multimediadateie

• Michael L. Meckler: Fachwüsseschaftligi Churzbiografii uf Änglisch us De Imperatoribus Romanis (inkl. Liddratuuraagoobe).
• Änglischi Übersetzig vo dr Lääbensbeschriibig in de Historia Augusta bi LacusCurtius

Fuessnoote

Vorgänger Septimius Severus

Römische Kaiser 211–217

Nochfolger Macrinus

Dä Artikel basiert uff ere fräie Übersetzig vum Artikel „Caracalla“ vu de dütsche Wikipedia. E Liste vu de Autore un Versione isch do z finde.