Dr Chlothar II., (* 584; † zwüschen em 18. Oktober 629 und em 8. April 630), au Chlothar dr Jung, us em Gschlächt vo dr Merowinger isch König vo de Franke gsi vo 584 bis 629.

Chlothar II.
König vo de Franke
Dr Chlotar II. verhandlet mit de Lombarde.
Dr Chlotar II. verhandlet mit de Lombarde
Regierigsziit 589 – 624
Uf d Wält cho 584
Gstorbe 629
Begrabe Chille St. Vincent z Paris
Vorgänger Dr Chilperich I. z Neustrie (584)
Dr Theudebert II. z Austrasie (612)

Dr Sigibert II. z Burgund (613)

Dronfolg Lex Salica: Nume Söhn erbe, s Riich wird under de Erbe ufdeilt.
Nochfolger Si Sohn Dagobert I.

Dr Chlothar isch erst e baar Mönet alt gsi, wo si Vater, dr Chilperich I., 584 ermordet worden isch. Si Mueter, d Königin Fredegunde, het s Königriich bis zu ihrem Dod im Johr 597 verwaltet. Si Unggle Guntram I., König vom burgundische Deilriich, het en adoptiert. Won er drizäh gsi isch, het er dr Dhron bestiege.

Bis 613 isch dr Landrich em Chlothar si Huusmeier gsi. In däm Johr het dr Chlothar d Brunichild (Brunhilde), d Königin vo Austrasie und Burgund besiigt und het se lo hirichte. Eso isch dr Chlothar II. sit em Dod vo siim Grossvater dr erst König über s ganze Frankeriich gsi. Allerdings het er im Johre 614 em fränkische Adel, wo ihm im Kampf mit dr Brunhilde dr Siig möglig gmacht het, im Edictum Chlotharii wichtigi Zuegständnis müesse mache. Drmit het er dr Grundstei für dr spöter Ufstiig vo de Huusmeier, vor allem de Karolinger, möglig gmacht.

623 het dr Chlothar s Königriich Austrasie siim Sohn Dagobert I. ge. Dr Chlothar isch im Winterhalbjohr 629/630 gstorbe und isch z Paris in dr Chille St. Vincent begrabe worde.

Ehe und Nochkomme ändere

Dr Chlothar het dreimol ghürotet:

  1. um 599 d Heldetrud, † vor 613, begrabe in St. Pierre z Rouen
  2. d Bertetrud, † 618, begrabe in St. Vincent z Paris
  3. d Sigihild, 625/626 bezügt

Mit dr Heldetrud het er drei Chinder gha:

  • Merowech, 604 bezügt
  • E Sohn, † noch 613
  • Dagobert I. (* 603; † 639)

Mit dr Bertetrud het er non e Sohn, dr Charibert II., gha. Es wird au vermuetet, ass d Aemma, d Frau vom König Eadbald vo Kent, e Dochter vo ihm gsi isch.

Weblingg ändere

  Commons: Chlothar II – Sammlig vo Multimediadateie
  Dä Artikel basiert uff ere fräie Übersetzig vum Artikel „Chlothar_II.“ vu de dütsche Wikipedia. E Liste vu de Autore un Versione isch do z finde.