Christian Konrad Wilhelm von Dohm

Dr Christian Konrad Wilhelm Dohm, von Dohm sit 1786, (* 11. Dezämber 1751 z Lemgo; † 29. Mai 1820 z Pustleben bi Nordhausen) isch e Jurist, pröissische Diplomat und politische und historische Schriftsteller gsi. As Autor vo dr wäägwiisende Schrift Über die bürgerliche Verbesserung der Juden vo 1781 isch er im Sinn vo dr Ufkläärig für die jüüdischi Emanzipazioon iidräte und het die in ganz Öiropa gförderet.

Si Wärk ändere

Dr Dohm isch vor allem wäge sinere Schrift zur Judenemanzipazioon Über die bürgerliche Verbesserung der Juden (1781) as en ufkläärte Verdräter vo de Bürgerrächt für d Juude in ganz Öiropa bekannt worde. Es isch s erste Wärk vo deere Art gsi. D Idee drzue het er vom Moses Mendelssohn überchoo, wo eso brobiert het, e Bitt um Hilf vo unterdruckte Elsässer Juude witerzläite. Dr Dohm het d Ursache vo de negative Äigeschafte, wo mä de Juude denn zumol withii zuegschriibe het, in de rächtlige Beschränkige gsee, wo d Juude under ene glitte häi, und nit in aagääbligi Äigenarte as Volk oder as Religioonsgmäinschaft. Die vorhandene Juudeornige wurde d Juude zun ere Lääbenswiis zwinge, wo d Ursach vom Antijudaismus, dr Findschaft und Verachdig, wo d Juude wurde erlääbe, sig. Er het si dur Gliichberächtigung us iirer brueflige Diskriminierig welle befreije und so zu nützlige Staatsbürger erzieh. Sini Ideä häi Iifluss ghaa uf Verdräter vo de Menscherächt wie dr Mirabeau, wo sich denn drfür iigsetzt häi, bis dass die Franzöösischi Nazionalversammlig 1791 d Gliichstellig vo de franzöösische Juude beschlosse het.

Wärk ändere

Über die bürgerliche Verbesserung der Juden. Zweyter Theil. Nicolai, Berlin u. Stettin 1783. (Digitalisat un Volltext im Dytsche Textarchiv)
Über die bürgerliche Verbesserung der Juden. 2 Teile in 1 Bd. Berlin u. Stettin 1781–83 u. Kaiserslautern 1891. Nachdruck: Olms, Hildesheim [u. a.] 1973.
Über die bürgerliche Verbesserung der Juden. Kritische und kommentierte Studienausgabe. Hrsg. von Wolf Christoph Seifert. Wallstein, Göttingen 2015, ISBN 978-3-8353-1699-7.
Friedrich II.: Über die deutsche Literatur. Die Mängel, die man ihr vorwerfen kann, ihre Ursachen und die Mittel zu ihrer Verbesserung. Aus dem Französischen von Christian Conrad Wilhelm von Dohm. Decker, Berlin 1780 (Digitalisat un Volltext im Dytsche Textarchiv).

Litratur ändere

Franz Reuss: Christian Wilhelm Dohms Schrift „Über die bürgerliche Verbesserung der Juden“ und deren Einwirkung auf die gebildeten Stände Deutschlands. Eine kultur- und literaturgeschichtliche Studie. Universität Leipzig 1891. Neu herausgegeben vom Duisburger Institut für Sprach- und Sozialforschung und vom Salomon Ludwig Steinheim-Institut für deutsch-jüdische Geschichte, Duisburg 2010. Online-Version (PDF; 698 kB).
Ilsegret Dambacher: Christian Wilhelm von Dohm. Ein Beitrag zur Geschichte des preußischen aufgeklärten Beamtentums und seiner Reformbestrebungen am Ausgang des 18. Jahrhunderts. Peter Lang, Frankfurt/M. u. Bern 1974.
Heinrich Detering: Christian Wilhelm von Dohm – Ausgewählte Schriften. Bei: Naturwissentschaftlicher und Historischer Verein für das Land Lippe. Detmold 1988.
Günter Laue: Christian Wilhelm von Dohm, geprägt durch seine Heimatstadt Lemgo? In: Lippische Mitteilungen aus Geschichte und Landeskunde, Bd. 70, 2001, S. 231–250.
H. Möller: Christian Wilhelm von Dohm und seine Kritiker. In: Stefi Jersch-Wenzel: Bild und Selbstbild der Juden Berlins zwischen Aufklärung und Romantik. Berlin 1992, S. 59–79.
Falkmann: Dohm, Christian Wilhelm von. In: Allgemeine Deutsche Biographie (ADB). Band 5, Duncker & Humblot, Leipzig 1877, S. 297–299.
Karl G. Bruchmann: Dohm, Christian Wilhelm v.. In: Neue Deutsche Biographie (NDB). Band 4, Duncker & Humblot, Berlin 1959, ISBN 3-428-00185-0, S. 42 f.

Weblingg ändere

Christian Konrad Wilhelm von Dohm im dütschsprochige Wikisource

Dä Artikel basiert uff ere fräie Übersetzig vum Artikel „Christian_Konrad_Wilhelm_von_Dohm“ vu de dütsche Wikipedia. E Liste vu de Autore un Versione isch do z finde.