Colombi Hotel

S Colombi Hotel z Fryburg isch e inhaabergfiert Stadthotel vu dr Luxusklasse. S Hotel lyt in dr Innestadt vu Fryburg Rotteckring vis à-vis vum Colombipark un sym Colombischlessli, wu s dr Name här het.

s Hotel vum Colombipark uus gsääne

Stääge im Colombi Hotel

Syter anne 1995 gheert s zue dr Allianz „The Leading Hotels of the World“. S aagschlosse Gourmet-Reschtaurant Zirbelstube isch vu 1982 bis 2019 all Joor mit eme Michelin-Stäärn uuszaichnet woore.

Gschiicht

S Hotel isch im Juni 1957 ufgmacht woore. Dreeger vum Hotel isch d „Colombi Hotel Dr. Klaus Lauer KG“ gsii. Zue dr 500-Joor-Fyyr vu dr Universiteet Fryburg sin dodmol im nämlige Joor scho prominänti Gescht us Bolitik un Wiirtschaft empfange woore. Anne 1959 het dr saudi-araabisch Cheenig Saud ibn Abd al-Aziz mit sym Gfolg e baar Dääg im Colombi Hotel verbroocht.

Dr hitig Bsitzer Roland Burtsche het noch ere Chochleer z Hamburg in e baar Luxushyyser in dr USA gschafft, isch uf e kalifornischi Hotelfachschuel gange un het derno bi dr American President Lines as Sous-Chef, as zweete Chuchischef, gschafft. Wider z Dytschland, het er anne 1967 sy Fryndi Waltraud Zähringer ghyroote. S Baar, wu urspingli vu Oberbärge am Chaiserstuel gsii isch. Het verschiideni gaschtronomischi Bedrioib gfiert, bis er schließli anne 1978 zum Chauf vum Colombi Hotel chuu isch. In dr Joor druf isch s Hotel meefach umböue, erwytertet un erneieret woore. Im Joor 1995 isch s Hotel um d Residenz uusgwytet wiire, wu mer iber e Glaasschtääg im zweete Stockt aane chunnt. Glyychzytig isch e Diefgaraasch mit 80 Stellblätz fir d Hotelgescht entstande. Syter 2012 bruucht s Hotel zuesätzli zue sym Bankettberaich s Gebei vu dr eemoolige Chlooschtermiili z Eerechilche fir Veraaschtaltige.

Vu 1981 bis 2014 isch dr Alfred Klink Chuchischef vum Gourmetreschtaurant gsii. Syt em Augschte 2019 isch dr Harald Derfuß Chuchidirälkter im Colombi Hotel.

Uusstattig

S Hotel het 112 Zimmer inklusive siibe Suite, 16 Apartment un 40 Junior-Suite. S integriert Reschtaurant bstoot us dr drei Stuube Zirbelstube (Gourmetreschtaurant), Falkenstube un Hans-Thoma-Stube. Dernääbe het s fimf Bankettryym, e Ruum zum z Moorgeässe, s Café Graf Anton, d Pianobar (Davidoff Smokers’ Lounge), e Wyychäller un d Spa- un Wellnessberaich. Im Gebei het s e baar Uusstelligssvitrine vu verschiidene Chlaidigsunternäme un Juwelier un au ne Modeshop vu dr Luxusklasse.

Hans-Thoma-Stube

Urspringli isch d Hans-Thoma-Stube in eme Buurehuus vu 1776 yyböue gsii un isch speeter im Colombi Hotel integriert woore. Si maant an dr Schwarzwald-Mooler Hans Thoma. D Holzstiel sin vum Hans Thoma mit typische Schwarzwälder Motiv entwoorfe woore. Au zwai Originalbilder git s in dr Stube: e Bild vu syre Mueter un e Sälbschtporträt.

Wyychäller

S Hotel isch uf historischem Grund böue. Do isch di alt Stadtmuure duureglofe un as vu dr Fryburger Stadtdoor isch in dr Neechi gsii. E Wandsyte vum unteriirdische Wyychäller unter dr Empfangshalle bstoot hite no us dr alte Stadtmuure.

Unternäme

S Hotel het 170 Lyt, wu do schaffe, dodervu rund 30 Leerbuebe- un -maidli. S Huus isch vum Wirtschaftsclub Rhein-Main un dr Bundesagentur fir Aarbet bim 10. Dytsche Aarbetsblatzinveschtor-Bryys anne 2007 mit em Bryys in dr Kategory Uusbildigsblätz fir d Uusbildig vum Noowugs uuszaichnet woore.

Uuszaichnige

• Dr Roland Burtsche isch Dreeger vu dr Brillat Savarin-Plakette
• Hotel vum Joor 2000 (Schlummer Atlas)
• Hotelier vum Joor 2008 (Gault-Millau)
• Blatz 3 bescht Stadthotel vu Dytschland 1990 (Der Feinschmecker)

Reschtaurant Zirbelstube:

• 1 Stäärn im Guide Michelin 1982–2019
• 17 Pinkt im Gault-Millau
• 4 vu 5 Diamante im Varta-Führer
• 5 Chochleffel im Aral Schlemmer Atlas

Flecklehäs-Brunne

dr Flecklehäs-Brunne

Uf dr Terrasse vum Colombi Hotel stoot e Brunne, wu hite Flecklehäs-Brunne gnännt wird. D Schaale un d Syyle stammen us em Joor 1884, doodmool isch e Brune vor em eemoolige Predigerdoor ersetzt woore. Wu am 7. Dezämber 1885 dr speeter Grooßhärzoog Friedrich II. mit syre Frau Hilda von Nassau d Stadt bsuecht ghaa het, isch us baide Roor Wyy chuu, wu dr Feschtgsellschaft serviert wooren isch. Wäge däm het dr Brunne syterhäär Wyybrunne ghaiße. Syter anne 1961 droont e bronzeni Figuur im Hees vu dr Faasnetruefer, ere Fryburger Naarezumft. Dr Entwuurf zue dr Figuur stammt vum Holzbildhauer Franz Spiegelhalter (1899–1988), wu u. a. au d Laarve vu dr Faasnetruefer gschaffe ghaa het. Dr Verain het d Figuur am Euphrosinedaag (11. Meerz) 1961 dr Stadt ibergee.

Literatur

• Waltraud und Roland Burtsche, R. Lessner: Gastliches Colombi, Promo Verlag, Freiburg 2007

Weblink

 Commons: Colombi Hotel – Sammlig vo Multimediadateie

• www.colombi.de

Fueßnote

47.9970017.847843

Dä Artikel basiert uff ere fräie Übersetzig vu dere Version vum Artikel „Colombi_Hotel“ vu de dütsche Wikipedia. E Liste vu de Autore un Versione isch do z finde.