Der Welt Lohn

«Der Welt Lohn» isch e Värserzäälig, wo 274 Värs umfasst und wo dr Konrad vo Würzburg vor 1260 verfasst het.

«Der Welt Lohn» uusegee vom Edward Schröder, 1924

Inhalt

Dr eedli Ridder Wirnt vo Groofebärg sträbt noch wältligem Ruum und dr Anerkennig vo de Mensche. Er drifft uf die personifizierti Wält in dr Form von ere schööne Frau. D Frau Wält macht em Ridder iiri Cheersite klaar, und er merkt, ass sis Strääbe noch dr Anerkennig vo dr Wält falsch isch. Er verloot si Frau und sini Chinder für s Lääbe vom ene miles Christi.

Interteggstuelli Bezüüg

Dr Ridder im Teggst het dr gliich Naame wie dr middelhochdütschi Autor vom Wigalois, Wirnt vo Groofebärg. Dr Konrad vo Würzburg grift mit däm möögligerwiis d Autorfigurazioon vom Wirnt vo Groofebärg im Prolog und Epilog vo sim Artusroman Wigalois uf.

Überliiferig

Dr Teggst «Der Welt Lohn» isch in siibe Handschrifte und zwäi Fragmänt überliiferet.

Usgoobe

• Konrad von Würzburg: Heinrich von Kempten, Der Welt Lohn, Das Herzmaere, Mittelhochdütsche Teggst noch dr Usgoob vom Edward Schröder, übersetzt, mit Notize und eme Noochwort vom Heinz Rölleke, Mittelhochdeutsch-Neuhochdeutsch, (= RUB 2855), Stuttgart: Philipp Reclam jun., 2000

Adapzioone

• Der Welt Lohn, Komposizion vom Andras Hamary. Performance für Dänzer, Sopran, Tenor, Chor und groosses Orchester noch em Cuonrat vo Wirzeburcs Dichdig mit em gliiche Naame (Ufdraagwärk vom Mainfranketheater Würzburg, Choreographii vo dr Anna Vita, 2003/04, UA Würzburg)

Weblingg

• Wikiversity: Nöihochdütschi Übersetzig — Kursmaterialie, Forschigsprojäkt und wüsseschaftlige Usdusch
•  Der Welt Lohn im dütschsprochige Wikisource
  

Dä Artikel basiert uff ere fräie Übersetzig vum Artikel „Der_Welt_Lohn“ vu de dütsche Wikipedia. E Liste vu de Autore un Versione isch do z finde.