Iisesulfid

Iisesulfide sin chemischi Verbindige vu dr Elemente Iise un Schwäfel. Dr Schwäfel lit in sälle Verbindige as Anion (Sulfid) vor.

Folgendi Iisesulfide sin bekannt:

• Iise(II)-sulfid (FeS): In sällere Verbindig trättet Iise als Fe²⁺-Ion uf. Dr Schwäfel lit as S^2- vor.
• Pyrit (FeS₂): Schwäfelricheri Verbindig, wo us Fe²⁺ un em Disulfid-Anion S₂^2- bestoht.
• Iise(III)-sulfid (Fe₂S₃): Do isch Iise in Form vu Fe³⁺ verträtte, Schwäfel as S^2-.

As witteri Iise-Schwäfel-Verbindige, wo nit zue dr Iisesulfide zellt werre, sin d'Iise-Schwäfel-Cluster z'nenne.

Bi dr Stahl-Herstellig gelte Iisesulfide as Stahlschädling. Die nidrigschmelzend Verbindig lageret sich an dr Chorngrenze ab un verursacht bi Warmumformig dr sognennt Rotbruch

Dä Artikel basiert uff ere fräie Übersetzig vum Artikel „Eisensulfide“ vu de dütsche Wikipedia. E Liste vu de Autore un Versione isch do z finde.