De Eugen Zimmermann (* 19. August 1907 z'Villinge; † 12. November 1990 z'Lörrach) isch e dütsche Moler und Kunsterzieher gsi.

Lebe un Werk ändere

1907 isch de Eugen Zimmermann z'Villinge uf d'Wält chu. Zwische 1927 un 1932 het er an de Kunstakademie Karlsrueh unter em Georg Scholz, em August Babberger un em Hermann Gehri studiert, wu alli in de Zit vum Nationalsozialismus als „entarteti“ Künstler vu ihrem Lehramt entloh worde sin.

Nach ere Zit an der Universität Berlin, wu er zwische 1937 und 1939 Kunstgschicht studiert het, isch er Lehrer am Hans-Thoma-Gymnasium z'Lörrach gsi. 1942 het er bim Wilhelm Pinder in Berlin promoviert, het aber dann bis 1945 zum Militär müesse. D'Tätigkeit als Kunsterzieher z'Lörrach het er unterbreche müesse.

Ab 1948 bis 1977 isch er wieder als Kunsterzieher am Hans-Thoma-Gymnasium gsi und isch Mitgliid im Künstlerkreis Lörrach gsi. 1990 isch er z'Lörrach gstorbe.

33 Werk vum Künstler sin im Museum am Burghof z'Lörrach usgstellt.[1] De gegenständlichi, abstrahierti Molerei vum Zimmermann isch vum dütsche Expressionismus prägt gsi. Zum 100. Geburtstag het ihm s'Museum am Burghof e Einzelusstellig gwidmet, wu au e Katalog dezue gmacht worde isch.

In de ExpoTriRhena, de Erlebnisusstellig vu de Drei-Länder-Region und ihrer Geschicht im Museum am Burghof, isch si Bild vum „Fischerdorf“ Rhiwiler vu 1948 duuerhaft usgstellt.[2][3]

Literatur ändere

  • Eugen Zimmermann in „Unser Lörrach“, 1991
  • Katalog Eugen Zimmermann, Museum am Burghof Lörrach, 1987
  • Hans H. Hofstätter, Berthold Hänel (Verf.), Landkreis Lörrach (Hrsg.): Die Maler des Markgräflerlandes. Schillinger-Verlag Freiburg im Breisgau 2000

Einzelnachweise ändere

  1. Museum am Burghof (Site cha nüme abgrüeft wärde; Suche im Webarchiv)[1] [2] Vorlage:Toter Link/www.loerrach.de
  2. Museum am Burghof (Site cha nüme abgrüeft wärde; Suche im Webarchiv)[3] [4] Vorlage:Toter Link/www.loerrach.de (abgerufen am 10. Oktober 2009)
  3. Sammlungen des Museums zum Thema Landschaft (Site cha nüme abgrüeft wärde; Suche im Webarchiv)[5] [6] Vorlage:Toter Link/www.loerrach.de (abgerufen am 10. Oktober 2009)

Weblinks ändere

  Dä Artikel basiert uff ere fräie Übersetzig vu dere Version vum Artikel „Eugen_Zimmermann“ vu de dütsche Wikipedia. E Liste vu de Autore un Versione isch do z finde.