Dr Eulalius († 423) isch e Gegepapscht gsii, wu vu 418 bis 419 glychzytig mit em Bonifatius I. regiert het. Vor syre Wahl isch er Archipresbyter am Lateran gsii.

Lääbe ändere

Är isch am 27. Dezämber 418 vun eme Dail vum remische Klerus as Noofolger vum Papscht Zosimus gwehlt wore, ai Dag speter vu dr Meehait dr Bonifatius. Wu dr Eulalius vum Chaiser Honorius as rächtmäßige Bischof vu Rom bstetigt woren isch, het dr Bonifatius mieße Rom verloo. Uf Dränge vu dr Aahänger vum Bonifatius het dr Chaiser e Sinod yygruefe, wu aber zue kaire Ainigung vu dr Bischef gfiert het. Dodruf isch dr Eulalius uf Rom retuurgange. Dr Chaiser het derno dr Bonifatius as Bischof bstetigt. Dr Eulalius het am 29. April 419 vu Rom uf Antium mieße flichte. Noch em Dod vum Bonifatius 422 hän d Aahänger vum Eulalius wider versuecht, ihn as Gegebischof ufzstelle, är het des aber abgläänt.

Literatur ändere

  Dä Artikel basiert uff ere fräie Übersetzig vu dere Version vum Artikel „Eulalius“ vu de dütsche Wikipedia. E Liste vu de Autore un Versione isch do z finde.