Dr Eutychianus (vu griech. Eutychianos = „dr Beglickt“, churz Eutychian; † 7. Dezämber 283) isch vu 275 bis 283 Bischof vu Rom gsii. Sy Grabinschrift isch in dr Calixtus-Katakombe z Rom entdeckt. Em Eutychian sy Gedänkdag isch dr 7. Dezämber.

Eutychianus, Phantasiedarstellig in dr Basilika Sankt Paul vor dr Muure

Iber Läben un Wirke vum Eutychian isch chuum ebis bekannt, sälbscht d Date vu syre Amtszyt sin nit sicher. Noch em Liber Pontificalis het er 8 Johr un 11 Monet lang amtiert, vum 4. Jänner 275 bis zum 7. Dezämber 283. Dr Chilchehischtoriker Eusebius vu Caesarea brichtet dergege, dr Eutychian sei nume 10 Monet lang Bischof vu Rom gsii.

No dr Legänd heb er s Säägne vu Driibel un Bohnen uf em Altar erlaubt un är heb 324 Märtyrer mit syne aigne Händ beärdigt. E Dail Hischtoriker zwyflen an däre Iberliferig, wel us dr Amtszyt vum Eutychian kaini greßere Verfolgige bekannt sin un s Säägne vu Fäldfricht allgmain ere spetere Period zuegschribe wird.

Literatur ändere

Weblink ändere

  Commons: Eutychianus – Sammlig vo Multimediadateie
  Dä Artikel basiert uff ere fräie Übersetzig vu dere Version vum Artikel „Eutychianus“ vu de dütsche Wikipedia. E Liste vu de Autore un Versione isch do z finde.