Fabienne Hadorn

e Schwizer Schauspillere, Tänzere und Sängere

D Fabienne Hadorn (* 24. Mai 1975 z Muri) isch e Schwyzer Schauspiileri, Dänzeri un Sängeri.

Lääbe ändere

Noch em Handelsdiplom 1994 het Fabienne Hadorn an dr Theaterhochschuel Züri studiert, wu si anne 1998 erfolgrych abgschlosse het. Statione vu ire Bihnelaufbahn sin bis hite näbe andere s Schauspiilhuus Züri, s Theater Basel, s Schauspiel Köln, d Salzburger Feschtspiil, s Casinotheater Winterthur un e Hufe freii Theater- un Danzgruppe gsii. Si sälber het anne 2000 zäme mit em Gustavo Nanez d Gruppe Kolypan grindet, wu sälberentwickleti Stuck uf d Bihni bringt un wu si au d Reschy fiert.[1]

Vor der Kamera schafft d Hadorn syter aafangs 2000er-Johr. Näbe Rolle in verschiden Kinoproduktione ghert si as Corinna Haas syt 2015 zum Schwyzer Tatort-Team. In dr Morgeserie «Timo und Paps» uf Radio SRF 1 leent si syt em 24. Augschte 2015 iri Stimme em Timo, eme schuelpflichtige Bue, wu mit sym Vater Paps (Samuel Streiff) am Morgedisch schwätze duet.[2]

D Fabienne Hadorn isch Mueter vu zwoo Deechtere un länt z Züri.[3]

Filmografy ändere

  • 2002: Paul und Lila (Churzfilm)
  • 2003: Moritz
  • 2004: Piff paff puff
  • 2004: Vollenweider – Die Geschichte eines Mörders (as Sprächeri)
  • 2005: Edelmais & Co.
  • 2008: Giacobbo/Müller
  • 2009: Der Fürsorger oder das Geld der Anderen
  • 2012: Eine wen iig, dr Dällebach Kari
  • 2013: Vielen Dank für Nichts
  • 2014: United Passions
  • 2017: Die göttliche Ordnung
  • Tatort
    • 2015: Tatort: Ihr werdet gerichtet
    • 2016: Tatort: Kleine Prinzen
    • 2016: Tatort: Freitod
    • 2017: Tatort: Kriegssplitter
    • 2017: Tatort: Zwei Leben
    • 2018: Tatort: Friss oder stirb
    • 2019: Tatort: Ausgezählt
    • 2019: Tatort: Der Elefant im Raum
  • 2019: Amen Saleikum

Uuszaichnige ändere

  • 1995: Migros-Schauspiil-Bryys
  • 1998: Oprecht-Schauspiil-Bryys
  • 2014: Schwyzer Theaterbryys as Herausragende Schauspielerin

Weblink ändere

Fueßnote ändere

  1. Websyte vu dr Fabienne Hadorn
  2. Radio SRF 1: Heiter in den Tag: Die 1. Staffel «Timo und Paps». In: srf.ch. Abgruefen am 14. Februar 2019.
  3. Katja Baigger: Wildfang mit Bodenhaftung. In: Neue Zürcher Zeitung. 22. Augschte 2016
  Dä Artikel basiert uff ere fräie Übersetzig vu dere Version vum Artikel „Fabienne_Hadorn“ vu de dütsche Wikipedia. E Liste vu de Autore un Versione isch do z finde.