Fantasy Basel
| Dialäkt: Baseldütsch |
D Fantasy Basel, au The Swiss Comic Con, isch e Comic-Veraastaltig, wo jedes Joor im Früelig in dr Schwizer Stadt Baasel stattfindet.
D Baasler Fantasy isch 2015 vom Martin Schorno gründet worde und isch denn die äinzig Veraastaltig vo dere Art in dr Schwiz gsi. Si het in dr Mäss Baasel stattgfunde und 20'000 Bsuecher aazooge.
S Festiwal stellt wääred drei Dääg Nöis us de Beriich vo de Games, Kinofilm, Färnseeserie und Comics vor. Mä cha dört also nid nume d Klassiker gsee sondern au Figure us Serie wie «Game of Thrones», «The Walking Dead» oder us dr Wält vo dr Middelärde.
Kwelle ändere
- Basel wird von Superhelden heimgesucht uf dr Website vo 20min.ch, abgrüeft am 28. Februar 2016
- Erste Fantasy-Messe lockt 20'000 Fans nach Basel uf dr Website vo dr Basellandschaftliche Zeitung, abgrüeft am 28. Februar 2016
- Stuart aus «The Big Bang Theory» kommt an die Fantasy Basel uf dr Website vo dr Basellandschaftliche Zeitung, abgrüeft am 28. Februar 2016