Internationali Filmfeschtspiil vu Venedig

Di Internationale Filmfeschtspiil vu Venedig (italienisch Mostra internazionale d’arte cinematografica di Venezia) sin Dail vu dr Biennale fir zytgnessischi Chunscht un finde all Johr vu Ändi Augschte bis Aafangs Septämber uf em Lido z Venedig statt. Si sin anne 1932 grindet wore un dodermit s eltscht Filmfeschtival uf dr Wält. Zämme mit em Filmfeschtspiil vu Cannes, em Locarno Film Festival un dr Berlinale zelle si zue dr wiichtigschte internationale Filmfeschtspiil.

Feschtivalpalais mit ere Statuette vum Guldi Leeb (2008)

Wettbewärb

Dr Hauptuffierigsort isch dr historisch Palazzo del Cinema.

S Filmfeschtival umfasst di vier Kategorie Wettbewärb, Usser Kunkerränz, Horizont (Debütfilm, Chuurzfilm) un Venice Classics (Filmreschtaurierige, -dokumentatione).

As Hauptbryys fir di beschte Film isch in dr Johr 1934 bis 1942 d Coppa Mussolini vergee woore, wu noch em domolige italienische Diktator gnännt gsii isch. Dermit uuszaichnet woore isch dertemool dr bescht italienisch un dr bescht uusländisch Film. Syter anne 1947 wird nume no ai Film mit em Hauptbryys gehrt. In dr Johr 1947 un 1948 isch dr Gran Premio Internazionale di Venezia („Große Internationale Bryys vu Venedig“) un 1949 dr Leone di San Marco („Leeb vu San Marco“) vergee woore. Syter anne 1950 haißt dr Hauptbryys Leone d’Oro („Guldi Leeb“). Där Bryys chunnt dr Reschisseer vu Film iiber. Anderi Uuszaichnige sin unter anderem dr Leone d'Argento („Silbrige Leeb“), wu in verschiidene Kategorie vergee wird un d Coppa Volpi fir di beschte Darsteller.

Uuszaichnige

• Leone d’Oro per il miglior film (Guldi Leeb): syter 1949
• Coppa Volpi per la migliore interpretazione maschile (Beschte Darsteller): syter 1935
• Coppa Volpi per la migliore interpretazione femminile (Beschti Darstelleri): syter 1935
• Premio Speciale della Giuria (Spezialbryys vu dr Jury): syter 1951
• Leone d’Argento per la migliore regia (Silbrige Leeb – Beschty Reschyy): syter 1990
• Premio Marcello Mastroianni a un giovane attore o attrice emergente (Marcello-Mastroianni-Bryys – Beschte Noowuchsdarsteller): syter 1998
• Premio per la migliore sceneggiatura (Bescht Draibuech): syter 2004
• Premio per il migliore contributo tecnico. (Beschti tächnischi Laischtig): syter 2004
• Leone d’Oro alla Carriera (Guldi Leeb – Ehrebryys): syter 1971
• EIUC Human Rights Film Award: syter 2004
• Gucci Group Award: syter 2006
• Queer Lion: syter 2007

Weblink

 Commons: Internationali Filmfeschtspiil vu Venedig – Sammlig vo Multimediadateie

• Homepage vu dr Biennale
• Artikel Venice Film Festival uf Internet Movie Database

Fueßnote

Dä Artikel basiert uff ere fräie Übersetzig vu dere Version vum Artikel „Internationale_Filmfestspiele_von_Venedig“ vu de dütsche Wikipedia. E Liste vu de Autore un Versione isch do z finde.