Franz Robert Brunschweiler

Dialäkt: Aagglobaseldütsch

Dr Franz Robert Brunschwiiler (dauft 1635, gstorbe 11. Dezämber 1690) isch e Baasler Politiker gsi, wo vo de 1670er Joor bis zu sim Dood wichdigi Baasler Ämter iignoo het und 1690 Bürgermäister gsi isch.

Lääbe und KarriereBearbeite

Dr Franz Robert Brunschwiiler isch am 19. April 1635 z Baasel dauft worde. Er isch dr Soon vom Franz Brunschwiiler gsi, eme Siidehändler und Baasler Rootsher. 1659 het er d Esther Hummel, d Dochder vom Hans Jakob Hummel eme Channegiesser und Baasler Oberstzumftmäister. As Händler isch er uf Frankriich, Ängland und Holland gange. Er het s Gschäft vom Vadder übernoo. Er isch Mitgliid vo dr Gärtnerzumft gsi, und vo 1671 bis 1684 für d Zumft im Root gsässe. 1673 isch er as Gsandte in die ennetbirgische Vogteie gschiggt worde. 1676 isch er Dreierher, worde 1678 het er as Drizääner mitregiert. Vo 1684 aa isch er as Oberstzumftmäister am Spitz vo dr Macht in dr Stadt gstande und denn 1690 as Bürgermäister.

Dr Franz Robert Brunschwiiler isch am 11. Dezämber 1690 z Baasel gstorbe.