Fryburger Schauspiilschuel im E-Wäärch

D Fryburger Schauspiilschuel im E-Wäärch sisch anne 1985 z Fryburg grindet woore un isch hite ne staatlig anerkännti Beruefsfachschuel mit em Abschluss „Biineryyfi“. Si het ire Sitz im Kulturzäntrum E-Wäärch.

s E-Wäärch (2011)

D Uusbildig goot iber vier Schueljoor. Si isch gliideret in Grundstudium un Hauptstudium mit je vier Semeschter. E Feerderig vu dr Stundänt*ene noch em Bafög isch meegli, wänn d Voruussetzige erfillt sin.

S Studium isch sischtematisch ufböue. Leerinhalt, Leerziil, Stoffverdailigsblään un d Briefigs- un Schueloornig sin fachli beguetaachtet un vum Kultusminischterium Baade-Wiirttebäärg approbiert woore. Qualifizierti un erfaareni Leerchreft unterriichte di aabotene Fächer. Dr Unterriicht umfasst bis zue 32 Unterriichtsstunde in dr Wuche, zuesätzli finde Broobe statt fir Stuck, wu ufgfiert wääre. D Broobedisposizioon wird vum Reschiseer feschtglait.

Di effetlige Ufdritt mache s dr Studänt*ene, wu Schauspiiler*ne wääre, meegli scho in dr Zyt vu dr Uusbildig braktischi Erfaarige dur d Aarbet unter brofässionälle Bedingige z sammle: d Aarbet mit em Reschiseer, Spiile vor Publikum un Theaterkritiker.

Go dr aktuälle Aasprich vum Schauspiilberuef gräächt z wääre, het d Fryburger Schauspiilschuel ire Uusbildigsaagebot zum Wintersemeschter 2008 um s Unterriichtsfach Filmschauspiil/Camera-acting uusgwytet.

Bekannti Schueler*ne vu dr Schuel sin Mark Keller, Sarah Mühlhause, Moritz Tittel, Kai Albrecht, Marian Meder, Florian Rexer, Carola Sigg.

Weblinks

 Commons: E-Werk (Freiburg im Breisgau) – Sammlig vo Multimediadateie

• Offiziälli Homepage
• Experimentalbiini vu dr Fryburger Schauspiilschuel
• KIEW – Kammerspiele im E-Werk

47.9947.833703

Dä Artikel basiert uff ere fräie Übersetzig vu dere Version vum Artikel „Freiburger_Schauspielschule_im_E-Werk“ vu de dütsche Wikipedia. E Liste vu de Autore un Versione isch do z finde.