Fruchtsaft
Fruchtsaft, spezieller au Obstsaft, isch e Getränk, wo us Frücht vo äinere oder meerere Fruchtarte broduziert wird. Dr Fruchtghalt muess 100 % si. Mä underschäidet zwüsche Diräktsaft und Fruchtsaft us Fruchtsaftkonzentrat. Fruchtnektar und Fruchtsaftgetränk underschäide sich vom Fruchtsaft, wil bi deene usser Frücht no anderi Zuedaate döfe verwöndet wärde.[1]
Herstellig ändere
Diräktssaft: Es wärde rifi und suuberi Frücht verwändet, wo früsch oder haltbar gmacht si. Zitrusfrücht wärde in spezielle Zitrusbrässe usbrässt. Anderi Frücht wärde in ere Müüli vermaalt, und die wird denn mechanisch usbrässt. Wenn spezielli Enzüüm iigsetzt wärde, chunnt dr Saft liichter us de Zälle uuse und weniger Saft goot verloore. Bi Stäiobst und Beeri nimmt mä vor em Usbrässe d Stäi bzw. d Stiil uuse. Denn wird s Brodukt gschwunge und gfilteret und es entstot us em naturdrüebe Saft e klare Fruchtsaft.
Fruchtsaft us Konzentrat: Noch em Entsafte wärde zerst d Arome entzoge, für dass si bim Iidampfe vom Saft, wo denn chunnt, nit verlore göön. S Wasser wird im Vakuum entzoge. S Konzentrat cha zwüscheglaageret und billig dransportiert wärde. Zum us em Konzentrat wider Saft z mache, verdünnt mä s Konzentrat mit Wasser und duet die fruchtäigene Arome drii, mänggisch non e chli Fruchtfläisch und Zälle. Dr Saft wird denn für e baar Sekunde bi 85 °C bastörisiert.[2] Dr Vordäil isch, ass dr Dransbort billiger chunnt und ass s Briodukt nit vo dr Seson abhängig isch.
Weblingg ändere
Commons: Fruchtsäft – Sammlig vo MultimediadateieLueg au ändere
Fuessnoote ändere
- ↑ Fruchtsäfte und gleichartige Erzeugnisse (Richtlinie 2001/112/EG des Rates vom 20. Dezember 2001 über Fruchtsäfte und bestimmte gleichartige Erzeugnisse für die menschliche Ernährung) uf eur-lex.europa.eu
- ↑ Wie kommt der Saft in die Flasche uf fruchtsaft.de abgruefen am 28. Juli 2019
|
Dä Artikel basiert uff ere fräie Übersetzig vum Artikel „Most“ vu de dütsche Wikipedia. E Liste vu de Autore un Versione isch do z finde. |