Gabriele Reich-Gutjahr
| Dialäkt: Undermarkgreflerisch |
D Gabriele Reich-Gutjahr (* 30. Juli 1957 z Stuegert) isch e dytschi Bolitikeri (FDP) un syt Mai 2016 Mitglid vum Landdag vu Bade-Wirttebärg.
Lääbe un Uusbildig
ändereD Reich-Gutjahr isch z Reemshalde uf d Volksschuel gange un derno z Waistadt uf s Gimnasium, wu si s Abitur gmacht het. Vu 1976 bis 1982 het si an dr Ludwig-Maximilian-Universitet Minche Volkswirtschaftslehr, Bolitikwisseschaft, Kommunikationswisseschaft un Effetli Rächt studiert.[1] Vu 1983 bis 2008 het si bi dr Robert Bosch GmbH gschafft, in verschidene Positione un Beraich, u. a. Elektrowärchzyg, Automotive, Telekommunikation, Zäntrale. Syter anne 2008 isch d Reich-Gutjahr Gschäftsfierendi Gsellschafteri vu dr ASKESIS GmbH & Co. KG z Stuegert.[2] D Gabriele Reich-Gutjahr isch evangelisch un ghyrote.
Bolitik
ändereSyter anne 2008 isch d Reich-Gutjahr Mitglid bi dr FDP. Syter 2014 isch si Vorsitzeri vu dr FDP-Stadtgruppe Degerloch/Hoffeld[3] un syt Merz 2015 Bysitzeri im Vorstand vum FDP-Chraisverband Stuegert.[4] Si isch Mitglid im Liberale Mittelstand Bade-Wirttebärg e. V.[5] un bi dr Liberale Fraue Bade-Wirttebärg.
Bi dr Landdagswahl 2016 isch si iber e Zwaitmandat im Wahlchrais Stuegert II in 16. Landdag gwehlt wore. Im Landdag isch si Mitglid im Uusschuss fir Umwält, Klima un Energywirtschaft un im Uusschuss fir Wirtschaft, Arbet un Wohnigsböu. Derzue isch si stellverdrättend Mitglid im Ständige Uusschuss, im Uusschuss fir Inners, Digitalisierig un Migration, im Uusschuss fir Sozials un Integration, im Uusschuss fir Verchehr un im Uusschuss fir Europa un Internationals.
Sunschtigs Engaschmänt
ändere- Mitglid im Hochschuelrot vu dr HfG Schwäbisch Gmünd (2000 bis 2009)
- Mitglid im Kuratorium vu dr Hochschuel Konschtanz (bis 2014)
- Mitglid im Verband deutscher Unternehmerinnen e. V. (VdU)
- Mitglid im European Women’s Management Development International e. V. (syt 1989), vu 1998 bis 2002 Vorsitzeri vu dr EWMD Deutschland
- Mitglid in dr American Chamber of Commerce in Germany e. V.
- Mitglid vu Baden-Württemberg: Connected e. V.
- Mitglid im MTV Stuttgart 1843 e. V. (syt 1984)
- Mitglied im Degerlocher Frauenkreis e. V.
Weblink
ändereFueßnote
ändere- ↑ Gabriele Reich-Gutjahr. In: FDP/DVP-Fraktion. (fdp-dvp-fraktion.de [abgerufen am 27. Februar 2017]).
- ↑ Sandler Training Stuttgart. (sandler.com [abgerufen am 28. Februar 2017]).
- ↑ Degerloch/Hoffeld – Freie Demokraten Stuttgart. Archiviert vom Original am 1. März 2017; abgruefen am 28. Februar 2017.
- ↑ Kreisvorstand – Freie Demokraten Stuttgart. Archiviert vom Original am 1. März 2017; abgruefen am 28. Februar 2017.
- ↑ liberaler mittelstand :: Baden-Württemberg :: Bundesvereinigung. Archiviert vom Original am 1. März 2017; abgruefen am 28. Februar 2017.