Gallia cisalpina

e Provinz vom römische Riich

D Gallia cisalpina isch fasch zwöihundert Joor lang e röömischi Provinz gsi.

e Chaarte mit es paar keltische Völker i dämm Piet, wo me de di röömischi Provinz Gallia cisalpina ygrichtet het

Dr latynisch Name bedüütet uf Düütsch: «Gallie vor den Alpe». En andere Name für d Provinz isch Gallia citerior gsi.

Anne 203 vor üserere Zyträchnig het Rom die Landschaft vo de Poebeni und de Bärgländer ringsume als Kolony in siis Herrschaftspiet integriert. Das isch öppe d Gägend, wo hütt Oberitaalie heisst, und si isch bis zu den Alpe gange. Vo de Alpesüdtääler, wo dozmol zum röömische Territorium choo sind, ghöören es paar hütt zum Land vo dr Schwiiz so wie s Südtessin und s Bergell.

Es het i dr Provinz es paar chlyneri Regioone gää; me könnt die antike Nääme Aemilia, Liguria, Venetia et Histria und Gallia transpadana.

Dr Name vo dr Provinz isch anne 59 vor Chrischtus s eerschte Mol erwäänt. Im Joor 49 het Rom de Lüüt i der Provinz s röömische Bürgerrächt ggää, und acht Joor spööter isch d Provinzverwaltig ufglööst woorden und s Land bis a d Alpe het jetz zum ängere römische Land ghöört.

LiteraturBearbeite

WeblinkBearbeite

  Commons: Gallia cisalpina – Sammlig vo Multimediadateie