D Glencore International AG isch e wältwit tätigi Unternämesgruppe im Rohstoffhandel und het sin Hautsitz z Baar im Schwizer Kanton Zug. Bis im Mai 2011 isch Glencore in Privatbsitz gsi[2], sither werdet d Aktie an de London Stock Exchange ghandlet. Vom Umsatz her isch Glencore s gröschti Unternäme in de Schwiz mit eme Umsatz vo 186 Milliarden US-Dollar im Johr 2011.[3] S Unternäme isch im induschtrielle Beriich an 19 Standort in 12 Länder präsent und het öppe 62'000 direkti oder indirekti Mitarbeiter. Im Maketing sind öppe 2'000 Lüt in me wi 40 Länder aktiv.

Glencore plc
Unternähmensform public limited company
ISIN JE00B4T3BW64
Gründig 1974
Sitz Baar, Schwiz
(Hauptsitz)
Saint Helier, Jersey
(registrierte Sitz)
Leitig

Gary Nagle
(CEO)
Tony Hayward
(Chairman)

Mitarbeiter öbbe 190'000 (2013)
Umsatz 221,1 Mrd. USD (2014)[1]
Branche Rohstoffhandel
Uffdritt im Netz www.glencore.com/

S Unternäme isch im 1974 vom Marc Rich gründt worde und het Marc Rich + Co AG gheisse. Im 1994 het de Rich s Unternäme verlah und de Name isch in Glencore (Global Energy Commodity and Resources) gändret worde. Ursprünglich het Glencore physisch mit Iise, andre Metall, Mineralie und Erdöl ghandlet, spöter au mit Öl- und Choleprodukt und sit em 1982 isch Glencore au im Agrarsektor präsent. In de 1980er- und 1990er-Johr het d Firma durch Übernahme expandiirt und isch sither au im Bergbau, de Verhüttig, in Raffinerie und in de Verarbeitig engagiirt.

Sit em 19. Mai 2011 werde Glencor-Aktie an de Londoner Börse ghandlet und sit em 25. Mai 2011 au z Hong Kong, aber zwölf Lüt vom oberschte Mangement si di gröschte Aktionär vo Glencore. An de Börse werde numme 16.9 % vo de Aktie ghandlet. Vor em Börsegang het me de Wärt vo de Firma uf 61 Milliarde US-Dollar gschätzt und s isch de gröschti Börsegang vom 2011i gsi. Im Zämmehang mit em Börsegang het Glencore e Holding uf Jersey gründt, wo de juristisch Sitz vo Glencore soll darstelle. De Hauptsitz vom operative Gschäft isch z Baar blibe. Am 7. Februar isch bekannt gäh worde, dass Glencore mit de Firma Xstrata wot fusioniire, wo z Zug ihre Hauptsitz het.[4]

Vo 2002 bis im 2021 isch dr CEO vo Glencore de Ivan Glasenberg gsi. Dr Glasenberg het syt em 1984 by de Glencore gschaffet kha.[5] Im 2021 isch dr Gary Nagle CEO gworde.[5] Präsident vom Verwaltigsrot de Simon Murray.

Kritik ändere

 
Dr Hauptsitz in Baar

Sit Johre git's immer wider Kritik am Unternäme. Es wird ihm e grossi Mitverantwortig an de schlächte Umwältbedingige in de Abbaugebiet und an de Läbesumständ vo de Rohstoffschürfer vorgworfe. So hei am 15. Aprile 2012 di Schwizer kirchliche Hilfswärk Brot für alle und Faschteopfer Ergäbnis vo ere Untersuechig veröffentlicht, wo Glencore mit Chinderarbet, Umweltverschmutzig und andere problematische Gschäftspraktike in Verbindig bringt.[6]

Weblinks ändere

Einzelnochwiis ändere

  1. Tages-Anzeiger: Glencore macht Kohle, abgrüeft am 3. Merz 2015
  2. Numme d Manager und d Kaderlüt vom Unternäme sind beteiliget gsi.
  3. Aargauerzitig vom 16. Aprile 2012 S. 7
  4. Glencore und Xstrata: Zuger Bergbauriise fusioniire zu eme Gigant (Site cha nüme abgrüeft wärde; Suche im Webarchiv)[1] [2] Vorlage:Toter Link/caboruivo.ch us Cabo Ruivo, abgeruefe am 16. Aprile 2012
  5. 5,0 5,1 Ivan Glasenberg tritt zurück: Glencore erhält 2021 einen neuen Chef Luzäärner Zyytig
  6. Glencore in der Demokratischen Republik Kongo: Business auf Kosten von Menschenrechten und Umwelt (Site cha nüme abgrüeft wärde; Suche im Webarchiv)[3] [4] Vorlage:Toter Link/www.brotfueralle.ch