D Hamas (arabisch حماس‎, DMG Ḥamās) isch e palästinensischi sunnitisch-islamistischi paramilitärischi Terrororganisation,[1][2][3][4] e politischi Partei und e sozials Netzwärk.[4][5] Ihre Name isch einersits en Akronym us arabisch حركة المقاومة الإسلامية‎, DMG Ḥarakat al-muqāwamat al-islāmiyya, was so vil wie „Islamischi Widerstandsbewegig“ bedütet, und andrersits en arabischs Wort für „Iifer“.

D Fahne vo dr Hamas zeigt e Kalligrafii vo dr Schahāda vor grüenem Hindergrund.

D Hamas isch en Ableeger vo dr Muslimbruederschaft und ihrer Underorganisation, d Qassam-Brigade, wo vo dr Europäische Union, de Vereinigte Staate und andere as terroristischi Vereinigung iigestueft wärde und in erster Linie dur ihri Sälbstmordattentat und anderi Aagriff uf israelischi Ziviliste und Soldate bekannt worde si. In de palestinensische Autonomiigebiet bedätigt sich d Hamas au uf karitativem Gebiet. Im Johr 2006 isch si mit Erfolg as politischi Partei ufdrätte.[6] Bi de Wahle am 25. Januar het si die absoluti Mehrheit vo de Mandat im palestinensische Legislativroot überchoo. Es isch zum ene offene Machtkampf zwüsche dr Fatah, wo bis denn regiert het, und dr Hamas cho, was zun ere Spaltig vo de Palestinensische Autonomiigebiet gführt het: Noch gwaltsame Usenandersetzige isch dr Gazastreife an d Hamas (Juni 2007), d Westbank an d Fatah gfalle.

D Hamas lehnt e Zweistaatelösig ab; ihri Charta verlangt under anderem d Vernichdig vo Israel und d Errichdig vom ene islamische Gottesstaat uf em ganze ehemolige Mandatsgebiet Palestina zwüschen em Mittelmeer und em Jordan.[7] Allerdings wird das Ziil im Wahlprogramm zu de Wahle im Januar 2006 nit erwähnt; dr Ufruef zum bewaffnete Kampf gege die israelischi Bsatzig isch aber din enthalte.[8] Im Juli 2009 het dr Chalid Maschal, e politische Füehrer wo z Syrie läbt, gsaot, ass d Hamas mit de USA wurd kooperiere, zum e Lösig im Arabisch-Israelische Komflikt z finde. D Hamas würd under dr Vorussetzig, ass palestinensischi Flüchtling döffte uf Israel zrugg und Ostjerusalem as Hauptstadt anerkennt wurd, en israelische Staat in de Gränze vo 1967 akzeptiere. Israel het sini Anerkennig dur alli bedeiligte Parteie zur Vorbedingig gmacht, an Friidensverhandlige im Rahme vom Noochost-Quartett mitzmache.[9]

Liddratur ändere

  • Joseph Croitoru: Hamas. Der islamische Kampf um Palästina. Beck, München 2007, ISBN 978-3-406-55735-4 Leseprobe: [1] Rezensionen u. a. Deutschlandradio Kultur 25. Juni 2007 [2]; Tagesspiegel 26. Februar 2007 [3]; FR 23. Mai 2007
  • Gerrit Hoekmann: Zwischen Ölzweig und Kalaschnikow. Geschichte und Politik der palästinensischen Linken Unrast, Münster 1999 ISBN 3-928300-88-1
  • Helga Baumgarten: Hamas. Der politische Islam in Palästina Diederichs, München 2006 ISBN 3-7205-2820-0[10]
  • Shaul Mishal & Avraham Sela: The Palestinian Hamas. Vision, Violence, and Coexistence Columbia University Press, 2006
  • Simon Wunder: Israel-Libanon-Palästina. Der Zweite Libanonkrieg und der Israel-Palästina-Konflikt 2006 Berlin 2007
  • Matthias Küntzel: Djihad und Judenhass. Über den neuen antijüdischen Krieg Freiburg 2002. ISBN 3-924627-06-1

Weblingg ändere

  Commons: Hamas – Sammlig vo Multimediadateie
Hintergründ
Eigeni Text und Zitat

Fuessnote ändere

  1. Rolf Steiniger, Der Nahostkonflikt, Fischer Taschenbuchverlag, 4. Auflage 2006, S. 60, 63 u. 115,
  2. Matthew Levitt, Hamas from Cradle to Grave Archivlink (Memento vom 10. Februar 2009 im Internet Archive), veröffentligt im Middle East Quarterly Winter 2004, abgrüeft am 26. Juni 2009
  3. Michele Zanini, Middle Eastern Terrorism and Netwar, abgrüeft am 26. Juni 2009
  4. 4,0 4,1 Michael Lüders: Bomben und Karitas in Die Zeit 38/1997
  5. Ulrike Putz: «Die Hamas hat meine Kinder adoptiert». In Spiegel Online 19. Dezember 2006, abgrüeft am 28. Juli 2010
  6. sueddeutsche.de: «Abbas beauftragt Hamas mit Regierungsbildung», 18. Februar 2006
  7. "The Covenant of the Islamic Resistance Movement (Hamas)", MidEast Web, 18. August 1988; "The Covenant of the Islamic Resistance Movement" Archivlink (Memento vom 20. Juli 2015 im Internet Archive), The Avalon Project at Yale Law School; "The Hamas charter calls for Israel to be destroyed and replaced by an Islamic state." Myre, Gred. "Israeli Official Says Hamas Has Made Abbas Irrelevant" The New York Times, 27. Februar 2006
  8. Hamas drops call for destruction of Israel from manifesto (Englisch) , Guardian, 12. Januar 2006. Abgruefen am 14. Juni 2010. 
  9. Backgrounder Hamas (Englisch) , Council of Foreign Affairs, 27. August 2009. Abgruefen am 14. Juni 2010. 
  10. darin: Charta der Islamischen Widerstandsbewegung Hamas. (1988) S. 207 - 226 und das Wahlprogramm in Gaza 2005