Hans Caspar Dollfus
| Dialäkt: Mìlhüüserdiitsch |
Dr Hans Caspar Dollfus (frànzeesch Jean Gaspard Dollfus 
(info); * 24. Janner 1607 z’ Mìlhüüsa; † 5. Nowamber 1690 àui doo) ìsch a Mìlhüüser Politiker gsìì. Vu 1665 bis 1690 ìsch’r Bìrgermaischter vu dr Schtàdtrepüblik Mìlhüüsa gsìì.
sii Laawa ändere
Dr Hans Caspar Dollfus hàt vu dr bekànnta Mìlhüüser Fàmìlia Dollfus gschtàmmt. Ar ìsch dr Suhn gsìì vum Mìlhüüser Bìrgermaischter Caspar Dollfus (1570–1634) un vu dr Catharina Risler (1583–1624).
Dr Dollfus ìsch z’äärscht ànna 1653 Säckser ìm Mìlhüüser Schniiderzùnft worra. Ar ìsch ànna 1659 Gmaindaroot worra, un Schàtzmaischter vu dr Schtàdtrepüblik ànna 1662. Àm 8. Nowamber 1663 hàt’r d’ Schtàdtrepüblik Mìlhüüsa vertratta bii dr Ärnäijerung vum Bìndniss zwìschem Frànkrììch un dr Àlta-n-Aidgnossaschàft z’ Pàriis.[1] Doo hàt’r ìm Keenig Ludwig XIV. a guldiga Kätta gaa mìt siim Porträä druff. Dia Kätta hàt a Wart vu 105 Dubloona ghàà.[2] Vu 1665 bis 1690 hàt dr Dollfus s’ Àmt vum Bìrgermaischter vu dr Repüblik Mìlhüüsa-n-üssiawt.
Àm 5. Janner 1629 hàt’r d’ Elisabeth Engelmann (1606–1689) ghiiroota. S’ Pààr hàt kää Kìnd ghàà.
Lìteràtüür ändere
- Raymond Oberlé: DOLLFUS Jean Gaspard. In: Nouveau dictionnaire de biographie alsacienne. Band 8. Fédération des sociétés d’histoire et d’archéologie d’Alsace, 1986, S. 674 (französisch, alsace-histoire.org [abgerufen am 6. August 2022]).
Weblìnk ändere
- dr Hans Caspar Dollfus bii Geneanet (hoochdiitsch)
Ainzelnoohwiisa ändere
- ↑ La République de Mulhouse : Histoire. In: republique-de-mulhouse.net. Abgruefen am 6. August 2022 (französisch).
- ↑ Jacques Mouriquand: La saga des Dollfus : une dynastie mulhousienne. Éditions de la Nuée Bleue, 1984, ISBN 978-2-7165-0080-7, S. 69 (französisch).