Haueschteipass

Haueschtei seit me zwöine Päss im Jura.

dure Fels bi der «Chäppeliflue» het me die alti Strooss vom Undere Haueschtei öppen acht Meter tüüf useghaue

Beidi ghöre zu Stroosse, wo us der Gägend vo Basel und Lieschtel über d Jürachöttine is Aaretal im schwiizerische Mittelland lauffe. Dr Name vo de Päss chunt vo dene Passaasche, wo men im Mittelalter churzi Teil vom Wääg usem Chalchfelse vo de Jurabärgen useghaue het.

Der äint isch dr Ober Haueschtei. Dä lyt im Gmeindbann vo Langebruck im Baselbiet. Über dä Pass goot d Schwiizer Hauptstroosse nummero 12.

Der ander isch dr Unter Haueschtei. D Passhööchi isch uff dr Gränze zwüsche de Gmeinde Läuffelfinge und Haueschtei, wo grad au d Kantonsgränze zwüschem Baselbiet und em Kanton Soledurn isch. Es isch d Hauptstrooss 2, wo döört drüber goot.

Vom Name vom Pass chunt dr Ortsname vom Doorff Haueschtei, wo grad oben a der useghauene Stell vom Undere Haueschteipass bi dr Chäppeliflue lyt.

Lueg au

• d Lischte vo de Jurapäss
• was dr Name Haueschtei suscht no bedüütet

Literatur

• Peter Frey: Hauenstein. In: Historisches Lexikon vo dr Schwiiz.