47.8497222222228.2675Koordinate 47° 50′ 59″ N, 8° 16′ 3″ O

Holzschlag isch mit dé chlynschte Stadtdeil vo dè baddischè Stadt Bõõdorf im nördlichè Landchrais Waldshuèt. Holzschlag isch diè nördlichschte Ortschaft im Landchrais, d Gränz zum Landchrais Hochschwarzwald volauft a dè linkè Haaldè vom Rychèbächle.

Holzschlag
Stadt Bõõdorf im Schwarzwald
Wappè vo Holzschlag
Iiwooner: 139 (5. Jan. 2017)[1]
Iigmäindig: 1. Januar 1975
Postleitzahl: 79848
Vorwahl: 07703
Dè neue Dorfblatz vo Holzschlag

Dè neue Dorfblatz vo Holzschlag

GeographyBearbeite

Holzschlag lyt im Südschwarzwald uff èrè Höchi vo 816 m im Dobel vom Rychèbächle, sèll isch èn Sitèarm vo dè Bruchlinniè vom Bõõdorfer Grabbè. S Rychèbächle chunnt vo dè Höchi zwǜschè Bõõdorf un Schluchsee obbè abbè, un gòt bi Holzschlag in èn steilè Dobel übber, wo nõch 2 km i d Wuètèschlucht mündet. Holzschlag lyt z mitts im Schwarzwald zwǜschè Lènzkirch un Bõõdorf. Nördlich vo Holzschlag un ènnèt vom Rychèbächle lyt s Waldgebièt Saatfäld, öppis witter vomischlèt sich s Wasser vo dè Haslach un dè Guètach zuè dè Wuètè, dört fangt also d Wuètèschlucht aa. Südöschtlich vo Holzschlag lyt s größère Nõchbòrdorf Gründelwangè, wo nu öppè 1,75 km èwäg lyt, beidi sin übber B 315 mitnand un mit Lènzkirch, Neuschtadt un Bõõdorf vobundè. Sit 1927 ghört dè Wyler Glashüttè zuè Holzschlag, d Glashüttè lyt im Quällberych vom Rychèbächle. Gnau èso lyt s munzige Nõchbòrdörfle Grüèwald i sèllèm Quällberych, Grüèwald isch öppè 2,1 km südweschtich vo Holzschlag èbbèso z mitts im Schwarzwald dèheim.

GschichtèBearbeite

Holzschlag isch è relativ jungi Sidlung un isch uss èrè Holzfällersidlung entschtandè. Bis 1664 isch s hütige Gmarkungsgebièt a beidè Haaldè vom Rychèbächle (un s Saatfäld) komplètt mit Wald bedeggt gsi. Mit èm Übbergang vo dè Rychshèrrschaft Bõõdorf a s Kloschter St. Bläsy hèn d Kloschterbrüèder sèlli Waldschtüggle uff dè Gündelwanger Gemarkung mit èrè Größi vo 150 ha anno 1664 abholzè lõ, um è neus Sidlungsgebièt z erschlièßè. S Holz isch zum Deil für dè Huusbau bruucht worrè, zum gröschtè Deil isch Holz a s Iisèhüttèwärch z Äbberfingè vokauft wörrè, sèll Wärch isch vo dè Bappèheimer un èm Chleggauer Grõf bedribbè worrè isch. Für s Abholzè sin Tiroler Holzfäller aagworbè worrè. Uff dè freyè Flächi sin znägscht drei Meierhööf baut worrè, wo im Kloster St. Bläsy lehenspflichtig gsi sin. Wo s Abholzè bi Holzschlag im Johr 1684 fèrtig gsi isch, hèn d Holzfälller für è Bsidlung z St. Bläsy aagfrògt, wa s Kloschter erlaubt hèt. Mit dè Säkularisation un dè dõdemit vobundènè Ufflösung vom Kloschter z St. Bläsy isch Holzschlag a s Großherzogdum Baddè chò un isch mit èm Wyler Glashüttè un èm Klausèhof è selbschtändigi Gmeind worrè. Am 1. Januar 1975 isch Holzschlag i d Stadt Bonndorf im Schwarzwald ygmeindet worrè.[2]

ReligionBearbeite

Holzschlag hèt niè è eigèni Kirchè ghaa. Kirchlich hèt Holzschlag schu immer zuè dè Pfarrei Gündelwangè ghört, nu isch sèlli widderum sit èm 1. Januar 2015 dè Seelsorgeeinheit Bõõdorf-Wuètè zuègschlagè worrè.

VokeerBearbeite

Holzschlag wörd am Nordrand vo dè B 315 tangyrt. Zwǜschè m Ort un dè B 315 isch bis 1976 d Baanschtreggi Kappel-Bõõdorf voloffè. Sèlli Streggi hèt in èrè großè 180° Kurvè uff èm Rychèbachdamm s Rychèbachdal übberquert. Am Weschtrand vo Holzschlag stòt dè Baanhof vo Gündelwangè. Obwoll dè Baanhof nõch bi Holzschlag glègè isch un d Gmeind Holzschlag dörtzmòls s Gelände für d Trassè unentgèltlich zur Vofüègung gschtellt hèt, hèt d Baandirèktion für dè Baanhof dè Doppelnammè Gündelwangè-Holzschlag nit gnemmigt.[3] Hüt wörd Holzschlag durch d Buslinniè Neuschtadt – Boõõdorf im Nòvokeer bediènt.

Kultur un Züüg zum AaluègèBearbeite

 
Infodaflè am Immèpfad z Holzschlag

Holzschlag bǜètet durch s Rychèbächledal Zuègang zuè dè Wuètèschlucht, wo mò bi dè Stallegger Brugg hèrrè chunnt. Obberhalb vo dè Stallegger Brugg git s zwei witteri Highlights i dè Wuètèschlucht uff èm Holzschläger Abschnitt, sèll sin d Stallegger Dannè un s Chraftwärch Stallegg, s drittälteschte dütsche Flußchraftwärch, mit chlynèm Stausee. Uff dè entwidmètè Baandrassè vo dè Baanschtreggi Lènzkirch-Bõõdorf un dõdemit übber dè nò komplètt erhaaltene Rychèbächledamm, volauft hüt dè Bäänle-Radwäg als Deilschtreggi vom Südschwarzwald-Radwäg. Ußerdèm git s z Holzschlag èn Immè-Leerpfad.

Regelmäßigi VoaaschtaltungèBearbeite

Jedes Johr gits z Holzschlag uff èm neu gschtaaltetè Dorfblatz èn Advèntsmärkt. D Blõskapèllè Grüèwald-Holzschlag e. V. isch èn feschtè Bschtanddeil im kulturèllè Läbbè vum Dorf. D Kapèllè hèt è Dracht, wo für dè Schwarzwald nit üblich isch. D Wyber drägèd è Lädder-Jutè-Drachtèrock, d Kärli è Knǜbundhosè uss Hirschlädder mit èm Tyroler Doppeladler als Wappè uff dè Hosèdräger. D Dracht söll a d Tyroler Holzfäller erinnerè, wo durch s Schwendè un Rodè öppis Wichtigs für d Ortgründung bydrait hèn.

PersönlichkeitèBearbeite

  • Joseph Lukas Meyer (1774–1821), Benediktiner, Leerer, Hischtoriker, Prièschter un Schriftschteller, isch z Holzschlag geborè worrè
  • Heinz Renkewitz (1902–1974), Theolog, hèt vo 1967 bis zuè sim Dot z Holzschlag gläbbt

LiteradurBearbeite

  • Helmut Vocke (Hrsg.): Chronik des Landkreis Waldshut. 1957.
  • Norbert Nothelfer (Hrsg.): Der Kreis Waldshut. 1979.
  • Waldemar Lutz und Hansjörg Noe (Hrsg.): Kennzeichen WT Heimatkunde für den Landkreis Waldshut. Reinhard Caschpers (Mithrsg.), 1989, ISBN 3-12-258330-5.

WeblinggsBearbeite

  Commons: Holzschlag (Bonndorf im Schwarzwald) – Sammlig vo Multimediadateie

EinzelnõchwysBearbeite

  1. Wissenswertes über Bonndorf. In: bonndorf.de. Archiviert vom Original am 23. September 2017; abgerufen am 8. Juli 2017.
  2. Der BibISBN-Eintrag Vorlage:BibISBN/3170032631 ist nicht vorhanden. Bitte prüfe die ISBN und lege ggf. einen [[[:Vorlage:Neuer Abschnitt/URL]] neuen Eintrag] an.
  3. Der BibISBN-Eintrag Vorlage:BibISBN/392134011X ist nicht vorhanden. Bitte prüfe die ISBN und lege ggf. einen [[[:Vorlage:Neuer Abschnitt/URL]] neuen Eintrag] an.


  Dä Artikel basiert uff ere fräie Übersetzig vum Artikel „Holzschlag_(Bonndorf_im_Schwarzwald)“ vu de dütsche Wikipedia. E Liste vu de Autore un Versione isch do z finde.