f

Hùùnibùg
Blühende Märzenbecher am Honigbuck im Freiburger Mooswald 2.jpg
Hechi 225 m
Lag Bade-Wirttebärg
Dytschland
Gebirg Oberryygrabe
eschtl. Vorbärgzone
Fryyburger Bucht
Geografischi Lag 47° 59′ 49″ N, 7° 45′ 46″ O47.9969444444447.7627777777778225Koordinaten: 47° 59′ 49″ N, 7° 45′ 46″ O
Honigbuck (Baden-Württemberg)
Honigbuck
Gstei Jura
Dialäkt: Markgreeflerisch (Obfige)

Dr Hùùnibùg (dt. Honigbuck oder Hunnenbuck) isch e Bäärgli im Mooswald zwische Haasle ùn Obfige. Är lyd eschdlig vù dr Audobaan A5 ùf em Baan vù Sandjèèrge ùn löegd rùnd 13 Meeder us em Draisemschotter uuse, dr Hegschdpùnggd lyd uf 225 m NN[1].

Inhaltsverzeichnis

GeologyyBearbeite

Dr Hùùnibùg isch wie dr Dùùnibäärg oder s Leemer Bäärgli e Schole vù dr Voorbäärgzoone, wù bi dr Absänggig vùm Ooberyygraabe weeniger dief abgsùngge isch. Dr Hùùnibùg bschdood us Jura-Gschdai, wù mid Lees iberdegd isch.

FloraBearbeite

Di bsùndere geologische ùn hydrologische Verhäldnis (dr Hùùnibùg isch drùgener wie dr iibrig Mooswald) mache verschiideni Lääbesryym ùf ere chlaine Flèchi meegli, wäge däm isch d Aardevyylfald doo zimli groos. Mer finded doo säldeni Friebliehjer, z. B. dr Mèèrzebächer (Leucojum vernum L.), dr Zwaibledrig Blaauschdäärn (Scilla bifolia L.), dr Bärlauch (Allium ursinum) ùn s Schneeglegli (Galanthus nivalis L.). Au wagse do ne Hufe Laubbaumaarde, nääbe Böeche, Haageböeche ùn Aiche, z. B. d Ife (Ulmus laevis Pall.) oder d Winder-Linde (Tilia cordata Mill.). Scho ane 1963 isch dr Hùùnibùg ùnder Naduurschùz gschdeld woore [2]. S hidig Naduurschùzgebied ùmfasd rùnd 7,5 ha.

Am Föes vùm Hùùnibùg lyd e 4 ha groos Versùmbfigsmoor mid bis zöe 2,6 mächdige Brùchtoorfschiichde. Des Moor isch dailwyys mid Brùchwald degd, dailwyys mid Wyyde oder Hoochschduude[3]

Name ùn SaageBearbeite

Dr Name Hùùnibùg chùnd vilichd vù dr Imewaid, wù friejer e Rol gschbiild hed (> Honigbuck).

Scho dr Heinrich Schreiber, dr Verfaser vù dr Fryybeger Schdadgschiichd, hed vermöeded, as es ùf em Hùùnibùg emol e Bùùrg gee heb. Ane 1841 hed dr Fryybeger Schdadarchivar Adolf Poinsignon dr Name Hùùnibùg ùf e „Burg Hohneck“ zrùggfierd, zöe sälere Zyd sole no Rääschd vù dr Muure z sää gsii syy. Vù dääre Bùùrg isch hide nyd me noogwiise, vù doohäär isch s nid sicher, eb s die Bùùrg wiirgli gee hed. Vilichd hed mer derdemool aifach des Gschdai vù däre Juraschole mid alde Muure verwägsled, dr Haubdroogeschdai, wù in muurläche Schdùg verwidered. Z Obfige gid s e aldi Saag, as im Drysgjèèrige Chrieg drèi Jùmbfere in dääre Bùùrg yygschlose gsii sèie. D Obfiger Fraue heebe si dùr e ùnderiirdische Gang mid Äse ùn Dringge versoorgd ùn wù si wider befrèid woore sin, heebe si dr Obfiger zem Dangg dr Wald rùnd ùm dr Hùùnibùg gschänggd.

Noch ere andere Obfiger Saag sol do dr Hùnnecheenig Attila begraabe syy, vù doo sol dr Name Hunnenbuck chùù.

Au hed mer sich friejer verzeld, as ùf em Hùùnibùg znaachd Gschbängschder ùmegienge ùn as dèrd am Daag d Waagereeder bräche deede.

LiteraturBearbeite

  • Heimat am Tuniberg - Opfingen gestern und heute 1006 – 1976. Hrsg. im Auftrag der Ortsverwaltung Freiburg-Opfingen von Rolf Süß. Mit einem Beitrag von Josef Schneider.: Selbstverlag der Ortsverwaltung, Freiburg-Opfingen 1976
  • Hügin, G.: Die Mooswälder der Freiburger Bucht. Beih. Veröff. Naturschutz Landschaftspflege Bad.-Württ. 29:1.83. 1982. Karlsruhe.
  • Körner, H. (Hg.): Die Mooswälder - Natur- und Kulturgeschichte der Breisgauer Bucht. 680 S. 2008. Lavori Freiburg. ISBN 978-3-935737-55-5

WeblinkBearbeite

  Commons: Hùùnibùg – Sammlig vo Multimediadateie

Honigbuck - Märzenbecher im Naturschutzgebiet seit 1963 - Badischi Zytig (07.03.2008)

FueßnoteBearbeite

Gsprocheni WikipediaBearbeite

  De Artikel gits au as Audiodatei
:
abelade | Informatione


Meh Informatione zum WikiProjekt Gsprocheni Wikipedia
.