S'Join-up isch en Methode zom s Vertrou vom Ross zom Mönsch z gää, so gset s Ross de Mönsch als Leittier ond respektiert ne. Es esch en Methode zom em Ross au nöcher cho on ds Vertroue ufzboue. S Join-up werd fell be Problemross oder jonge Ross brucht, me chas aber au be normale Ross awände.

De Monty Roberts hets Join-up erfonde. Er het die Methode os em Verhaute fo de Wöudross interpretiert ond so sogar s Vertraue fomene wöude Mustang erlangt. join-up®, follow-upTM on fix-upTM sen iitreiti Warezeiche fom Monty Roberts.

Funktionswiis ändere

De Mönsch zeigt em Ross dor Rüere fo de Longe, dass es wiit wäg fonem ond schnäll abhaue söll. Jetzt cha sech s Ross entscheide, öbs wet eifach ständig wiiter z fliehe oder de Mönsch als Ranghöchere aazluege.
Wöu Ross Härdetier send, werd sech das bald zor Entscheidig öberwende, Kontakt zom Mönsch ufznää. Zeiche fo Kontaktsuechi zom Mönsch send, dass es de chopf sänkt, met de Ohre schpelt, schläckt oder chätscht. Wenn de Mönsch die Zeiche erkennt, dräit er sech gäge s Ross, luegt of de Bode, nemt d Hand abe ond verlührt eso jegliche bedroleche Iisdrock ofs Ross.
Jetz chunt s Ross (fo hende) of de Mönsch zue, dä strichlet s, emmer met no gsänktem Bleck, öber d Stern. Dodemit isch s Join-up beändet.

S Follow-up ändere

Grad denoch chont s Follow-up: de Mönsch cha of em Platz (jee nach dem Roundpen) omelaufe; wen s rechtig funktioniert, werd s Ross de Person hendenochelaufe. D Person bliibt zor Belohnig zwöschedore mol stoo ond strichlet weder öber d Stern fom Ross. S Ross het jetz de Mönsch als Leittier akzeptiert ond suecht bemem Schotz we benere Härde.

Literatur ändere

  • Shy Boy. Gespräche mit einem Mustang. - Bergisch Gladbach: Bastei Lübbe, 2003. - ISBN 3-404-60466-0