Alemannische Wikipedia

Katrin Böhning-Gaese

D Katrin Böhning-Gaese (* 22. Dezämber 1964[1] z Oberkocha) isch e dytschi Bioloogi mit em Schwäärpunkt Ornothology, Brofässeri an dr Universiteet Frankfurt, Diräkteri vum Senckenberg Biodiversiteet un Kliima Foorschigszäntrum (BiK-F) un Viizebresidänti vu dr Leibniz-Gmainschaft. D Böhning-Gaese schafft zue dierekoloogische Theemene, zur Makroekology, Ekology vu Lääbesgmainschafte un soziaal-ekoloogische Sischteem.[2][3][4]

d Katrin Böhning-Gaese bim March for Science 2018 z Frankfurt.

Lääbe ändere

D Katrin Böhning-Gaese het ire Engaschmänt fir Natuurschutz un d Biodiversiteet anne 1984 aagfange mit eme Biologystuudium an dr Universiteet Dibenga. Si het iri Diploomaarbet Zur Nahrungsökologie des Weißstorchs (C. ciconia) in Oberschwaben bim Zooloog Klaus Schmidt-Koenig gschriibe. Bi ihm het si au promoviert zue Ursachen für langfristige Bestandsentwicklungen europäischer und nordamerikanischer Singvögel in kontinentalem Maßstab un het anne 1993 abgschlosse. Ab 1993 het si as Poschtdoktorandi an dr Vogelwarte Radolfzell bim Peter Berthold gschafft.[2] Ab 1996 het si im Rame vun eme Habilitande-Stipändium vu dr Dytsche Foorschigsgmainschaft (DFG) as Wisseschaftleri an dr RWTH Aachen in dr deertige Zoology/Dierfysiology gschafft.[2]

Dernoi het si iri Habilitazioon in Zoology an dr Universiteet Dibenga gmacht mit em Foorschigstheemaa Mikro- und makroökologische Ansätze zum Verständnis von Artengemeinschaften. 1999 bis 2001 het si im Rame vum Heisenberg-Programm vu dr DFG an dr RWTH Aachen gfoorscht, au in dr deertigen Zoology/Dierfysiology [2]

Vu 2001 bis 2010 isch si C3-Brofässeri fir Ekology an dr Universiteet Mainz gsii. Anne 2010 isch d Katrin Böhning-Gaese Brofässeri (W3) un Diräkteri vum BiK-F z Frankfurt am Main woore.[2] Syter Ändi Novämber 2017 isch d Katrin Böhnung-Gaese aini vu vier Viizebresidäntene vu dr Leibniz-Gmainschaft.[5]

Uusglääseni Ehrige un Mitgliidschafte ändere

D Böhning-Gaese het e Hufe Eerige un Feerderige vu ire Projäkt iiberchuu. Si isch e baar Mool fir e Fäldaarbet un fir wisseschaftligi Gaschtufenthalt an verschiidene Universiteet im Uusland. Zurzyt isch si Sprächeri vu dr dur d DFG gfeerderet Foorschigsgruppe "The role of nature for human well-being in the Kilimanjaro Social-Ecological System (Kili-SES)" am Kilimanjaro z Tansania. Syter 2018 isch si Mitgliid vu dr Senaatskummissioon fir Grundsatzfrooge vu dr Bioloogische Vyylfalt vu dr DFG. Vu 2011 bis 2013 isch si Mitgliid im Nazionaale Kumitee fir Global Change Foorschig gsii.[2] 2015 isch si in d Akademie der Wissenschaften und der Literatur Mainz[6] un in d Leopoldina[2] gwehlt woore. 2021 het si dr „Umwältbryys vu dr Bundesstiftig Umwält“ iiberchuu, zäme mit em Hans Joosten.[7]

Uusglääseni Publikazioone ändere

  • Methorst, J., K. Rehdanz, T. Müller, B. Hansjürgens, A. Bonn, and K. Böhning-Gaese (2021): The importance of species diversity for human well-being in Europe. Ecological Economics 181: 106917.
  • Schleuning, M., E.-L. Neuschulz, J. Albrecht, I. M. A. Bender, D. E. Bowler, D. M. Dehling, S. A. Fritz, C. Hof, T. Müller, L. Nowak, M. C. Sorensen, K. Böhning-Gaese, and W. D. Kissling (2020): Trait-based assessments of climate-change impacts on interacting species. Trends in Ecology & Evolution 35: 319–328.
  • Tucker, M. A., K. Böhning-Gaese, …, T. Mueller (2018): Moving in the Anthropocene: Global reductions in terrestrial mammalian movements. Science 359: 466–469.
  • Bowler, D. E., …, and K. Böhning-Gaese (2017): Cross-realm assessment of climate change impacts on species’ abundance trends. Nature Ecology & Evolution 1: 0067.
  • Neuschulz, E. L., T. Mueller, M. Schleuning, and K. Böhning-Gaese (2016): Pollination and seed dispersal are the most threatened processes of plant regeneration. Scientific Reports: 29839.
  • Ferger, S., M. Schleuning, A. Hemp, K. M. Howell, and K. Böhning-Gaese (2014): Food resources and vegetation structure mediate climatic effects on species richness of birds. Global Ecology and Biogeography 23: 541–549.

Weblink ändere

Fueßnote ändere

  1. ↑ Heute in Rhein-Main („Geburtstag haben am Dienstag“ [22. Dezember 2020]). In: Frankfurter Allgemeine Zeitung, 21. Dezember 2020.
  2. ↑ 2,0 2,1 2,2 2,3 2,4 2,5 2,6 Mitglidsyytrag vu dr Katrin Böhning-Gaese (mit Bild und CV) bi dr Dytsche Akademy vu dr Naturforscher Leopoldina, abgruefen am 11. Oktober 2021
  3. ↑ Prof. Dr. Katrin Böhning-Gaese Senckenberg Biodiversität und Klima Forschungszentrum, mit Link zue Curriculum Vitae, Publikazioone, Foorschig
  4. ↑ Prof. Dr. Katrin Böhning-Gaese Senckenberg Biodiversität und Klima Forschungszentrum, mit Link zue Curriculum Vitae, Publikazioone, Foorschig
  5. ↑ Organe. Abgruefen am 17. Mai 2021.
  6. ↑ Petra Plättner: Sechs neue Mitglieder in der Akademie der Wissenschaften und der Literatur. Akademie der Wissenschaften und der Literatur, Mainz, Pressemitteilig vom 18. Dezember 2015 beim Informationsdienst Wissenschaft (idw-online.de), abgruefen am 18. Dezember 2015.
  7. ↑ https://www.dbu.de/123artikel39144_2442.html
  Dä Artikel basiert uff ere fräie Übersetzig vu dere Version vum Artikel „Katrin_Böhning-Gaese“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Katrin_Böhning-Gaese&oldid=1000465"