S klai Stuck-Museum
S Klai Stuck-Museum isch en ehreamtlig gfiert Museum fir Stuckarwete z Friburg im Brisgau, wu am 1. Auguscht 1979 dur de Stuckateurmaischter un Reschtaurator Hans Rich grindet wore isch. No de Badische Zittig isch s s ainzig Stuckmuseum z Ditschland.[1]
_3298.jpg)
De Museumsbstand umfasst e brait Spektrum an Original-Stuckarwete, Abgiss vu Originaldailer un Noobildige, dezue au nei gmachti Stuckarwete no historische Unterlage. In de Sammlig het Gsims- un Dekorelementer, Konsole, Rosette un Supraporte, zahlriche Stuckkepf, Wappe un Relief, dezue Stucksiile un Pilaschter, Baluschter un anderi selteni Stuckelementer. Vil vun de uusgstellte Werk sin vum Friburger Unternehme Brenzinger & Cie. gschaffe wore, wu au ne Muschterbuech vun em kaa aagluegt were. Witeri Exponat sin zem Bischpil Noobildige vun Fassadeschmuck am Historische Kaufhuus oder em Wentzingerhuus, wu de Bsuecher dert nur us de Ferni kaa bschaue. S Museum isch vilmol au uf Messe verdrette, wie zum Bischpil uf de Bademess 2009[1] und 2010.[2]
Fueßnote ändere
- ↑ 1,0 1,1 Claudia Füßler: Freiburg: Auftakt: Rundgang über die Baden-Messe: Vom Liebeskäse bis zur Fischpraline, Badischi Zittig vum 14. September 2009
- ↑ Rimma Gerenstein: Freiburg: Der Gipskopf ist ein alter Bekannter, Badischi Zittig vum 17. September 2010
Weblink ändere
Koordinate: 48° 1′ 8,4″ N, 7° 50′ 50,6″ O
|
Dä Artikel basiert uff ere fräie Übersetzig vu dere Version vum Artikel „Kleines_Stuckmuseum“ vu de dütsche Wikipedia. E Liste vu de Autore un Versione isch do z finde. |