Chlystadt

e chlinneri Stadt, wo vilicht e historeschi Bedütig hät, es Stadträcht und maischtens e Stadtmuur, -türm oder -toor hät

E Chlystadt isch e Gmaind, wo nach statistische Kriteerie oder us gschichtleche Gründ als Stadt definiert isch und derby käi sehr grossi Bevölkerigszaal het.

d Altstadt vo Rhyfälde im Aargau mit öppe 13.500 Ywooner

Z Düütschland gälte ofiziel Stedt, wo zwüschet 5.000 und 20.000 Ywooner hend, als Chlystedt.

Historeschi Stedt wärdet au wyterhin zu de Stedt grächnet – grad au i dr Schwiiz –, au wänn si nur e ganz e chlyni Ywoonerzaal hend.

Grösseri Stedt tüend d Geograafe und d Statistiker als Middelstedt bezäichne, wänn si zwüschet 20'000 und 100'000 Ywooner hend. Stedt mit mee als 100'000 Persoone gälte als Grossstedt.

Modärneri Modäll möchdet d Obergränze vo chlyne Stedt bi der Zaal vo 50'000 Ywooner asetze. Wider anderi Diskussioone git’s do drüber, ob dr Status von ere Stadt au vo generelle geograafische Faktoore, vom kulturelle Aagebot, wäg de Zentraalfunkzioone oder nach anderne Gsichtspünkt chönt bestimt wärde.

Weblink ändere

  Commons: Stedt – Sammlig vo Multimediadateie