Chloschter Sant Urbe

S Chloschter Sant Urbe ist es Chloschter vo de Zisterzienser gsi, wo im 12. Joorhundert i dr Landschaft Oberaargau gründet worden isch und hüt im Biet vom Kanton Luzärn i dr Schweiz liit.

Luftufnahm vom Augschte 2015

Gschicht ändere

D Fräiheere vo Langeschtei hend ane 1194 im Taal vo der Murg, noch bi der Aare, es Chloschter lo gründe. Do derzue sind Mönch us em Chloschter Lützel im Elsass cho. Sant Urbe het noch der Tradizion vo de Zisterzienser zu der Filiazion vom Chloschter Morimond ghört.

Im 13. Joorhundert isch d Chloschterziegelei berüemt worde, wo als äinzegi grossi, schön verzierti Bachstei gmacht het, wo me dermit s ganz neue Chloschter boue het.[1] Im 18. Joorhundert isch s middelalterleche Chloschter abbroche und dur nes grössers im barocke Stil ersetzt worde.

Ane 1848 het der Kanton Luzern pschlosse, s Chloschter ufzhebe. Die grossi Biblioteek und s Archiiv sind uf Luzärn cho und mache hüt en bedütende Deil vo de alte Beschtänd vo der Zentral- und Unibiblioteek und vom Staatsarchiiv us. Ane 1873 het der Kanton i de alte Gebäu s Schpital für psychisch Chranki ygrichtet, wo hüt Luzärner Psychiatrii heisst.[2]

Bilder ändere

Lueg au ändere

Literatur ändere

  • Alois Häfliger (Hrsg.): Sankt Urban 1194–1994. Ein ehemaliges Zisterzienserkloster. Bärn 1994, ISBN 3-7165-0924-8.

Weblink ändere

  Commons: Kloster St. Urban – Sammlig vo Multimediadateie

Fuessnoote ändere

  1. Dr nöi Chloschterziegler (Memento vom 28. Oktober 2017 im Internet Archive) (klosterziegeleisturban.ch)
  2. Luzärner Psychiatrie (Memento vom 4. Mai 2017 im Internet Archive) (lups.ch)

Koordinate: 47° 13′ 55″ N, 7° 50′ 24″ O; CH1903: 630395 / 231302