Di Lange Muure (altgriechτὰ μακρὰ τείχη, tà makrà teíchē) si Festigsmuure gsi, wo in dr Antike Athen mit iirem Haafe Piräus, wo 7 Kilometer vo dr Stadt ewägg gsi isch, verbunde häi, für zum dr Vercheerswääg zwüsche de bäide Stedt sicher z mache.

Die Lange Muure zwüsche Athen und em Haafe Piräus

Die erste Muure si under dr Füerig vom Themistokles noch 479 v. d. Z. baut worde. Zwüsche 461 und 456 v. d. Z. si d Befestigunge under dr Füerig vom Perikles fertig worde.

Noch dr Niiderlaag vo Athen im Peloponnesische Chrieg (431 bis 404 v. d. Z.) höi die siigriiche Spartaner d Muure eso zerstöört:

„Wo d Friidensbedingige aagnoo gsi si, isch dr Lysander in dr Peiraios iinegfaare, die Verbannte si zruggchoo, und mä het mit Fröid aagfange, d Muure under dr Begläitmuusig vo Flötespiilerinne abzrisse, wil mä glaubt het, ass mit sällem Daag dr Aafang vo dr Freihäit für Hellas aagfange häigi.“

Xenophon, Hellenika, 2,2,23.

Im Joor 394 v. d. Z. het mä sä under em Konon wider ufbaut[1].

Mit ere äänlige Muure si im 4. Joorhundert v. d. Z. d Akropolis (Akrokorinth) und d Stadt vo Korinth mit iirem Haafe Lechaion am Golf vo Korinth verbunde gsi. Argos het en entsprächends Brojekt nid chönne usfüere, wil Sparta immer wider iigrife het. Megara het im 5. Jh. langi Muure zum Haafe Nisaia mit dr Understützig vo Athen baut.

Kwelle ändere

  • Xenophon: Hellenika. Übersetzt vo dr Gisela Strasburger, Münche 1970 (meereri Nöiuflaage), ISBN 3-7608-1639-8.

Weblingg ändere

  • Jona Lendering: Artikel. In: Livius.org (änglisch)

Fuessnoote ändere

  1. Xenophon 4.8.9f
  Dä Artikel basiert uff ere fräie Übersetzig vum Artikel „Lange_Mauern“ vu de dütsche Wikipedia. E Liste vu de Autore un Versione isch do z finde.