Liechtensteiner Volksblatt

a Tageszitig im Liachtastaa

S Liechtensteiner Volksblatt isch di elter vu dr boode Daageszytige z Liechteschtaa. S wird vu dr Liechtensteiner Volksblatt AG uusegee un chunnt uf e Uflaag vu 9'000 Exemplar (2015). Am Dunschtig git s e Grooßuflaag vu 21'000 Exemplar verdailt.[1] Dr Sitz vu dr Redakzioon isch z Schaan.

Liechtensteiner Volksblatt
Loogo
Beschriibig Tageszeitung für Liechtenstein
Sproch Deutsch
Verlag Liechtensteiner Volksblatt AG, Schaan (Liechtenstein)
Erstusgob 16. August 1878
Erschiinigswiis Montag–Samstag
Uflag
(Liechtensteiner Volksblatt[1])
9'000 Exemplar
Verbreiteti Uflag
(Liechtensteiner Volksblatt[1])
21'000 (Grossauflage donnerstags) Exemplar
Herusgäber Liechtensteiner Volksblatt AG
Gschäftsfüehrer Lucas Ebner, Max Müller
Weblingg http://www.volksblatt.li/
Artikelarchiv http://archiv.volksblatt.li
eemoolig Loogoo

Gschiicht ändere

D Zytig isch zum eerschte Mool am 16. Augschte 1878 uusechuu[2] un isch vum Presseverein Liechtensteiner Volksblatt verlait woore. Iniztiatoor un eerschte Redakter (bis 1884) sich dr fiirschtli Hoofkaplaan Johann Fetz gsii.[3] Bis 1918 isch s Volksblatt e Wuchezytig gsii, ab 1919 isch s zwaimool, ab 1927 dreimool, ab 1962 viermool, ab 1978 fimfmool in dr Wuche uusechuu. Ab em Jänner 1985 isch s all Daag uusechuu (usser am Sunntig).

D Zytig vum Ooberland giltet as kunservatiiv un em Fiirstehuus verbunde. Si stoht dr Fuurtschrittlige Buurgerbartei nooch. Syt em Septämber 2006 wird s Volksblatt vu dr Liechtensteiner Volksblatt AG uusegee, wu us em eemoolige Brässeverain entstanden isch. Im Oktoober 2006 isch dr Vorarlberger Medienunternämer Eugen Russ (Vorarlberger Mediehuus[4]) mit ere Minderhaitsbedailigung in s Verlaagshuus yygstiige. D Meehait vu dr Akzie isch derby aber als in liachtestaanischem Bsitz bliibe.[5] Aafangs 2018 isch zum Choschterspaare di druckt Zyschtigsuusgaab yygstellt woore.[6]

S Liechtensteiner Volksblatt isch finanziert dur Abonnemänt un dr Verchauf vu Inseraat. S wird uf Dytsch ufglait un bschrybt vor allem daagesaktuälli Theeme us dr Regioon Liachtastaa, Schwyz un Eeschtryych.

Dr Verwaltigsroot vu dr Akziegsellschaft het voorgschlaa, uf dr Generaalversammlig Ändi Februar 2023 us wiirtschaftlige d Zytig per Aafangs Meerz 2023 yyzstelle und ruf s Unternäme z liquidiere.[7]

Ufböu ändere

S Liechtensteiner Volksblatt hetz maischt die Rubrike:

  • Titelsyte mit aktuällem Daagestheema
  • Inlandsnoochriichte
  • Bolitik (zmaischt Europa)
  • Wiirtschaftsnoochriichte
  • Spoort
  • Kultuur
  • Servicesyte un Wätter
  • Panorama

Literatur ändere

  • Wilfried Marxer: Medien in Liechtenstein: Strukturanalyse der Medienlandschaft in einem Kleinstaat. Verlag der Liechtensteinischen Akademischen Gesellschaft, 2004, ISBN 978-3-72111057-9.

Weblink ändere

Fueßnote ändere

  1. 1,0 1,1 1,2 Eckdaten im Überblick. (Memento vom 19. Augschte 2017 im Internet Archive) In: Website des Liechtensteiner Volksblatts, S. 3 (PDF; 3 kB).
  2. No Daniel Quaderer: Liechtensteiner Medienlandschaft. In: Liechtensteiner Vaterland. 25. April 2014, S. 27 (Byylaag: Hundertjahrenews).
  3. Norbert Jansen: Priester, Journalist, Historiker (Memento vom 2. Februar 2014 im Internet Archive). In: Liechtensteiner Vaterland. 10. Mai 2011 (PDF; 2,7 MB). Gemäss Daniel Quaderer: Liechtensteiner Medienlandschaft. In: Liechtensteiner Vaterland. 25. April 2014, S. 27 (Byylaag: Hundertjahrenews, «Johannes Franz Fetz»).
  4. Druckt wooren isch s Liechtensteiner Volksblatt syter 2004 im Vorarlberger Mediehuus z Schwarzach.
  5. https://www.persoenlich.com/medien/pressevereine-haben-als-zeitungsherausgeber-ausgedient-267980
  6. Liechtensteiner Volksblatt stellt Dienstagsausgabe ein. uf kleinrepot.ch
  7. Liechtensteiner Volksblatt soll eingestellt werden, Liechtensteiner Volksblatt, 7. Februar 2023 (online-Uusgaab)
  Dä Artikel basiert uff ere fräie Übersetzig vu dere Version vum Artikel „Liechtensteiner_Volksblatt“ vu de dütsche Wikipedia. E Liste vu de Autore un Versione isch do z finde.