Lilian Studer

e Schwizer Politikere us em Aargau

D Lilian Studer (* 20. Dezember 1977 z Bade) isch e Schwiizer Politikerin (EVP). Vo 2019 bis 2023 isch si Nationalrötin gsi.

d Lilian Studer (2019)

Läbe ändere

D Lilian Studer isch d Tochter vom Schwiizer alt-Nationalrot Heiner Studer. Si isch z Wettige ufgwachse u isch usbeldeti Lehrerin für Textils Werche. Hüt schafft si als Gschäftsfüererin bem Blaue Chrüz Aargau/Luzern.

Vo 2004 bis 2009 isch d Lilian Studer Präsidentin vo de Junge EVP Schwiiz gsi. Vom 2002 bis 2019 isch si Grossrötin vom Aargau für d EVP gsi. Zwüsched 2011 u 2016 esch si Fraktionspräsidentin vo d EVP gsi, ab 2017 vo d EVP/BDP-Fraktion. Set de Legislatur em Johr 2017 esch si zuedem Präsidentin vo de Kommission für Justiz. D Benevol Aargau, d Fach- und Vermittligsstell Freiwilligearbet, hätt si zwüsched 2009 und 2018 präsidiert. Be Palliative Aargau esch si em Birot. Beriche, wo si sich au politisch emmer weder starch igsetzt hätt. Ihri Schwerpünkt i de Politik sind u. a. Gsundheits-, Sozial-, Präventions-, Sicherheits- oder au Gsellschaftsfroge. Bi de Grossrotswahle am 23. Oktober 2016 isch si für e witeri Legislatur gwählt worde.[1]

Bi de Nationalrotswahle am 20. Oktober 2019 isch d Lilian Studer für ihri Partei als Spitzekandidatin für de Nationalrat aaträte und gwählt worde. Si het dodemit de Sitz zruck zu de EVP gholt, wo ihre Vater 12 Johr vorher verlore het. Wege de Wahl in de Nationalrot isch si aber im November 2019 us em Aargauer Grossrot zruckträte. Für si isch de Lutz Fischer-Lamprecht i de Grossi Rot nochegrückt.

Bi de Nationalratswahl 2023 isch si nümmi widergwählt worde.

Weblink ändere

  Commons: Lilian Studer – Sammlig vo Multimediadateie

Fuessnote ändere

  1. Gwählti Kandidatinne und Kandidate vo de Grossrotswahle 2016 uf de Website vom Kanton Aargau
  Dä Artikel basiert uff ere fräie Übersetzig vu dere Version vum Artikel „Lilian_Studer“ vu de dütsche Wikipedia. E Liste vu de Autore un Versione isch do z finde.