Liste der Redaktoren und Redaktorinnen des „Dicziunari Rumantsch Grischun“
Uf dr Lischte vo de Redaktooren un de Redaktoorinne vom „Dicziunari Rumantsch Grischun“ findt me die Lüüt, wo im Uuftrag vo dr Societad Retorumantscha sid em Afang vom grosse Wörterbuech Dicziunari Rumantsch Grischun (DRG) dr Wortschatz vom Bündnerromanische aluege, püschelen und beschrybe.
Dr Redakzioon hälfen es paar Persoone, wo für d Dokumäntazioon, als Assischtänten und Assischtäntinnen algmein, für die elektroonischi Verwaltig vo de Daate und s Sekretariat luege. Vil vo dene wäärde spöter sälber id Redakzioon gwäält; drum isch uf dere Lischte do s Datum, wo iiri Arbet bim DRG agfange het ufgschribe und nid eerscht s Datum vo der Wahl id Redakzioon. Gnöiers zu dr Arbet vom Inschtitut fürs DRG chamen i däm sym Jooresbricht i de Joorbüecher Annalas da la Societad Retorumantscha go nochelääse.
d Lüüt ändere
- Robert vo Planta (1864–1937), Projäktleiter
- Florian Melcher (1875–1913), Redakter bim DRG sid em Afang anne 1904 und bis 1913
- Chasper Pult (1869–1939), bim DRG vo 1914 bis 1939
- Andrea Schorta (1905–1990), bim DRG vo 1935 bis 1975, sid 1956 erschte Scheffredakter
- Alexi Decurtins (* 1923), bim DRG sid 1955, vo 1975 bis 1988 Scheffredakter
- Hans Stricker (* 1944), bim DRG vo 1971 bis 1984
- Ricarda Liver (* 1941), bim DRG vo 1972 bis 1975
- Felix Giger (* 1946), bim DRG vo 1976 bis 2010, vo 1989 bis 2003 Scheffredakter
- Kuno Widmer (* 1950), bim DRG vo 1980 bis 2015
- Carli Tomaschett (*1958), bim DRG sid 1985, sid 2004 Scheffredakter
- Marga Annatina Secchi (* 1954), bim DRG vo 1987 bis 2017
- Claudio Vincenz, bim DRG vo 1995 bis 2005
- Sidonia Klainguti (* 1978), bim DRG vo 2005 bis 2008
- Ursin Lutz (* 1981), bim DRG sid 2006
- Silvana Derungs (* 1982), bim DRG sid 2010
- Matthias Grünert (* 1966), bim DRG vo 2010 bis 2014
- Michele Badilatti (* 1987), bim DRG sid 2014
- Annetta Janka-Zini (* 1985), bim DRG sid 2014