Metalcore

Metalcore isch es Musigsubgenre vom Heavy Metal, wo Elemänt vo Death Metal, Thrash Metal und Hardcore Punk vermischt.
Berüehmti Bands us dere Musigrichtig si zum Bischpöu As I Lay Dying, All That Remains, Caliban und Killswitch Engage.

Musikalisch isch Metalcore hüüfig nöcher bim Metal - d'Wäutaschouig hingägä glycht eher dere vom Hardcore Punk Bereich.

Breakdowns

Es wichtigs Merkmal am Metalcore si die so genannte Breakdowns.
Bi Breakdowns wird s'Songttempo öbe haubiert. Währenddesse wird hüüfig Hardcore Dancing oder Moshing betribe.

Sub-Genres

Es het sech so ergää, dass me Metalcore no wiiter duet unterteile. Allerdings git's föu Metalcore-Hörer, wo vo dene Ungerteilige nüt haute.

Deathcore

Im Deathcore isch dr Metalcore no meh mit Death Metal gmischt. Deathcore isch stark vor Gschwindigkeit und vor Herti vom Death Metal beiflusst. D'Gsäng si hüüfiger Growls oder Screams aus die üebleche Metalcore-Shouts.

Mathcore

Mathcore isch e sehr technische Ableger vom Metalcore. Sehr technischi und dissonanti Riffs, komplexi Songstrukture und Taktschemata. Us Gsang wärde hüüfig sehr verzerrti gutturali Gsäng brucht.

Moshcore

Moshcore isch, wie dr Name scho seit, stark uf d'Moshpits usgleit. Musikalisch isches scho wieder nöcher am Hardcore Punk und het starki, simpli Breakdowns und Gsäng.