Hauptmenü ufmache
d Monika Stolz, 2010

D Monika Stolz (* 24. Merz 1951 z Worms) isch e dytschi Bolitikeri (CDU). Si isch vu 2001 bis 2016 Mitglid vum Landdag vu Bade-Wirttebärg gsii un vu 2006 bis 2011 bade-wirttebärgischi Arbeis- un Sozialminischteri.

Uusbildig un BeruefBearbeite

D Stolz isch z Worms uf d Volksschuel un s Gimnasium gange. Noch em Abitur het si an dr Universitet Fryburg Volkswirtschaftslehr studiert un anne 1974 mit em Diplom abgschlosse. Derno het si vu 1974 bis 1977 as wisseschaftligi Referänti bi dr Konrad-Adenauer-Stiftig gschafft. Vu 1976 bis 1983 het si an dr Universitete Gießen, Würzburg un Bonn Humanmedizin studiert un anne 1985 zum Dr. med. promoviert. Nocherdani het si ne Zytlang as Dokteri gschafft.

BolitikBearbeite

Vu 1989 bis 2005 isch d Monika Stolz Gmaireeti z Ulm un Ortschaftsreeti z Ulm-Unterweiler gsii, dodervu vu 1991 bis 1999 as Vorsitzeri vu dr CDU-Gmairootsfraktion

Bi dr Landdagswahl 2001 het si im Wahlchrais 64 – Ulm s Diräktmandat gwunne. Au bi dr Landdagswahle 2006 un 2011 isch si wider iber s Erschtmandat in Landdag gwehlt wore. Dert isch si vu Juli 2004 bis Oktober 2005 stellverdrättendi Fraktionsvorsitzeri vu dr CDU-Landtagsfraktion gsii. Am 5. Oktober 2005 isch si bolitischi Staatssekreteeri im Minischterium fir Kultus, Juged un Sport wore un am 1. Februar 2006 derno Minischteri fir Arbet un Sozials (ab Februar 2010 Minischteri fir Arbet un Sozialornig), Mit em Aadritt vu dr grien-rote Regierig 2011 isch si us em Amt uusgschide. Bi dr Landdagswahl 2016 het si nimi kandidiert un isch derno us dr Bolitik ganz uusgschide.

Sunschtig EngaschmäntBearbeite

  • Vorsitzeri vum Bundesverband katholischer Vorsorge- und Rehabilitationseinrichtungen für Kinder und Jugendliche e. V.
  • Vorsitzeri vum Byroot vu dr Stiftig „Singen mit Kindern“
  • Mitglid vum Stiftigsoot vu dr Stiftig „Kinderland Baden-Württemberg“
  • Mitglid vum Vorstand vu dr Familiebildigsstätte Ulm
  • Mitglid vum Vorstand vu dr Veronika-Stiftig
  • Mitglid vum Zäntralkomitee vu dr dytsche Kadolike
  • Mitglid vu dr Missbruuchskommision vum Bischtum Rauteburg-Stuegert
  • Mitglid im Caritas-Root
  • Mitglid in dr Stiftig St. Elisabeth

PrivatsBearbeite

D Monika Stolz isch remisch-kadolisch un ghyrote. Si het vier Chinder.

LiteraturBearbeite

WeblinkBearbeite