Nancy

Nancy [nɑ̃si] (dütsch veraltet Nanzig, luxeburgisch: Nanzeg) isch e franzöösischi Stadt z Lothringe mit 104.072 Iiwooner (Stand 1. Jan. 2013). Si isch d Hauptstadt (Prefektur) vom Departemänt Meurthe-et-Moselle, Sitz vo dr Communauté urbaine du Grand Nancy, won e Kommunalverband isch, wo 20 Gmäinde umfasst, und Hauptort (chef-lieu) vo vier Kantöön.

Nancy
Verwàltung
Land	Frànkrich
Region	Grand Est
Département	Meurthe-et-Moselle (54) - (Präfektur)
Arrondissement	Nancy (Unterpräfektur)
Kommünàlverbànd	Métropole du Grand Nancy
Àmtliga Nàma	Nancy
Maire	Laurent HÉNART (2014-2020)
Code Insee	54395
Poschtlaitzàhl	54000, 54100
Iiwohner
Iiwohner	104.260
Flech	15,01 km2
Bevelkerungsdicht	7.018,59 Iiw./km2
Làg
Koordinate	48° 41′ 34″ N, 6° 11′ 01″ E
Heche	200 m
Nancy Nancy (Frànkrich)
Website
http://www.nancy.fr

Öppis us de Gschicht

Historisch isch Nancy d Hauptstadt vom Herzogdum Lothringe (oder Ober-Lothringe) gsi und im noochrevoluzionääre Frankriich d Hauptstadt vo dr Browinz Lothringe (Lorraine). Sit 1777 isch Nancy dr Sitz vom ene römisch-katholische Bistum.

D Devise vo dr Stadt isch non inultus premor (lat. für: Niemer längt mi ooni Stroof aa). Dodrmit wird uf d Schlacht bi Nancy 1477 und dr Dood vom Karl em Küene aagspiilt. Au d Distle im Stadtwabbe beziet sich uf daas.

Für was es bikannt isch

Nancy hät es Ensemble vo drei barocke Plätz, wo vo der UNESCO zum Wälteerb erchläärt woorde sind. Es git z Nancy au vil Jugedstyl-Hüüser, wil die Stadt äis von Hauptzäntre vo däm Styl gsy isch. Und au d Aahänger vo de modärne Architäktuur pilgered uf Nancy, s hät drum deet de Jean Prouvé (1901–1984) gwürkt.

Tipisch sind au Bergamotte und Mirabelle – s git chuum es Reschterang oder es Ässwaaregschäft, wo die nöd e Role spiltid.

Weblingg

 Commons: Nancy – Sammlig vo Multimediadateie

 Nancy in der Topographia Palatinatus Rheni (Matthäus Merian) im dütschsprochige Wikisource

• Internetsite vo dr Stadt Nancy (frz.)
• Website vo dr Office de Tourisme in vile Sprooche
• Fotene vo Nancy Gregory Jacquier