Oskar Mangold

Dr Oswald Mangold (* 6. September 1928) isch e dytsche Viidokter un alemannische Dialäktautor.

LääbeBearbeite

Dr Mangold isch z Bolschwiil mit segs Gschwischtrig ufgwagse. Im Zweete Wältchrieg isch er anne 1944 mit 17 Johr as Luftwaffehälfer un im April 1945 no zue dr Wehrmacht yyzooge woore. Är isch bal entloo woore un het ab 1948 derno an dr Dierärztlige Hochschuel Hannover aafange Diermediziin studiere. Anne 1954 het er promoviert un 1956 e Praxis as Viidokter z Schlienge ufgmacht. Scho ai Johr speeter isch er uf Wunsch vu dr Viidekterchammere in s Lohrer Ried uf Ichene gange un het deert gschafft. Wu anne 1977 z Staufe ne Praxis-Noofolger gsuecht wooren isch isch mit dr Familie retuurzooge in Bryysgau un het deert derno, unterstitzt vu syre Frau, di aige Praxis gfiert, bis er anne 1994 in Ruestand gangen isch. Sy Suhn Elmar isch sy Noofolger woore. Dr Oskar Mangold isch au Drichyyner im Stedtische Schlachthoof gsii.

Anne 1957 het er sy Juugedliebi ghyroote, wu au vu Bolschwiil gsii isch. Mit syre Frau Lydia het er segs Chinder iberchuu, fimf Deechtere un e Suhn.

Langi Johr het si dr Oskar Mangold ehrenamtli z Staufe engaschiert. Vu 1985 bis 2000 isch er Mitgliid im Bfaargmairoot vu dr kadoolische Chilchegmai gsii un het 21 Johr lang s Alte- un Seniorewäärch St. Martin glaitet. Ab 1995 isch er fir d CDU im Staufemer Stadtroot gsii.

Dr Oskar Mangold schrybt Gediicht uf Alemannisch. En Uuswahl vu syne Gedicht het er in zwai Biechli uusegee: „Heimetkläng“ (1992) un „Freu di doch“ (1995). Är isch Mitgliid bi dr Muettersproch-Gsellschaft un het si langi Johr engaschiert in dr Regionaalgruppe „Zwische Belche un Rhi“, ab 2003 au im Voorstand vu dr Regionaalgruppe.

Anne 2013 isch er vu dr Stadt Staufe fir sy ehrenamtli Engaschmänt mit dr Buurgermedallie gehrt woore.

WäärchBearbeite

  • Untersuchungen über die Verwendbarkeit des biochemischen Schwangerschaftstestes nach G. C. Richardson bei Mensch und Rind. 1954. 43 S. graph. Darst. Hannover, Tierärztl. Hochsch., Diss. : 1954
  • Heimetkläng. Gedichte der Heimat. Stückle, Ettenheim 1992. 144 S. Ill.
  • Freu di doch. Gedichte in alemannischer Mundart. Eigenverlag, Staufen 1995. 111 S. Ill.

LiteraturBearbeite

WeblinkBearbeite