Pedagogischi Hochschuel Vorarlberg

Di Pedagogisch Hochschuel Vorarlberg (dt. Pädagogische Hochschule Vorarlberg) isch e Pedagogischi Hochschuel im eschtrychische Bundesland Vorarlberg. Si bietet am Standort Fealdkirch Bachelor- un Masterstudie fir s Lehramt Primarstapfle un Sekundarstapfle mitsamt dr Oberstapfle aa, organisiert d Furt- un Wyterbildig fir ca. 6000 Lehrpersone vu allne Schuelarte z Vorarlberg un bildet Freizytpedagoge*ne uus. Praxisschuele vu dr Pedagogische Hochschuel mache fir Studänte*ne Lehrerfahrige in dr Primar- un Sekundarstapfle megli.

Pädagogische Hochschule Vorarlberg
Gründig	29. September 2007
Drägerschaft	Republik Eschtrych
Ort	Fealdkirch, Eschtrych
Räkter	Gernot Brauchle
Studänt*ene	ca. 400 Uusbildig / ca. 6000 Furtbildig
Netzwärch	IBH, Entwickligsverbund Wescht
Website	www.ph-vorarlberg.ac.at

Gschicht

Grindet woren isch d PH Vorarlberg am 29. Septämber 2007 unter em Räkter Ivo Brunner, dr offiziäll Vollbedriib het am 1. Oktober 2007 aagfange. Entstande isch di Pedagogisch Hochschuel us vier Vorgängerinschtitutione: dr Pedagogisch Akademy vum Bund z Vorarlberg, em Pedagogische Inschtitut vum Land Vorarlberg, em Pedagogische Inschtitut vum Bund z Vorarlberg un em Religionspedagogische Inschtitut vu dr Diözese Feldkirch.

Ufgabe

Studienaagebot

• Studiegang Primarstapfle: S Studium glideret si in e Bachelorstudium (8 Semeschter) un e Masterstudium (zmindescht 2 Semeschter). Im Bachelorstudium wäre Schwärpinkt gwehlt. Dr Studienabschluss berächtigt zum Unterrichte vu Schuelern*ne vu dr 1. bis 4. Schuelstapfle an ere Volksschuel. E Praxisjohr näb em Studium fiert in Beruef yy.
• Studiegang Sekundarstapfle Allgmainbildig: S Studium glideret si in e Bachelorstudium (8 Semeschter) un e Masterstudium (4 Semeschter). Im Bachelorstudium wäre zwai Unterrichtsfächer oder ai Unterrichtsfach un e Spezialisierig gwehlt. Im Verbund chenne alli Unterrichtsfächer un verschideni Spezialisierige studiert wäre. Dr Studienabschluss berächtigt in dr absolvierte Unterrichtsfächer zum Unterricht vu Schueler*ne vu dr 5. bis 13. Schuelstapfle. E Praxisjohr näb em Studium fiert in Beruef yy.
• Studiegang Sekundarstapfle Beruefsbildig: S Bachelorstudium „Duali Uusbildig / Tächnik un Gwärb“ berächtigt zum Unterricht an Beruefsschuele. S Bachelorstudium „Fachyyschlegigi Studie ergänzende Studie“ richtet si an Persone, wu an Beruefsbildende mittlere un hechere Schuele unterrichte wän.

Furtbildigsaagebot

D Furtbildigsaagebot fir Landeslehrer*ne un Bundeslehrer*ne umfasse pro Semeschter rund 350 bis 400 ai- un meedägigi Kirs.

Wyterbildigsaagebott

S Wyterbildigsaagebott umfasst unterschidligi Lehrgäng un Hochschuellehrgäng.

Organ

Hochschuelrot

Dr Hochschuelrot bstoht us fimf Mitglider, wu in verantwortigsvolle Positione in dr Gsellschaft, vor allem in dr Pedagogik, dr (Beruefs-)bildig un dr Wisseschaft schaffe oder gschafft hän, un wäg ire große Chänntnis un Erfahrige ne Bydrag chenne laischte, wie d Zyl un d Ufgabe vu dr Pedagogische Hochschuel chenne braicht wäre.

Mitglider vum Hochschuelrot: Erwin Beck, Ivo Hajnal, Erwin Niederwieser, Beate Raabe-Schasching, Barbara Schöbi-Fink.

Räkterat

• Gernot Brauchle, Räkter
• Heiko Richter, Vizeräkter fir Lehr un Unterrichtsforschig
• Gabriele Böheim-Galehr, Vizeräkteri fir Bildigsforschig un Entwicklig

Inschtitut

Di Pedagogisch Hochschuel Vorarlberg isch in vier Inschtitut organisiert:

• Inschtitut fir Primarstapflebildig: Peter Theurl, Inschtitutslaiter
• Inschtitut fir Sekundarbildig un Fachdidaktik: András Bátkai, Inschtitutslaiter
• Inschtitut fir Schuelentwickig, Furt- un Wyterbildig: Ulrike Lichtinger, Inschtitutslaiteri
• Inschtitut fir Bildigssoziology: Gudrun Quenzel, Inschtitutslaiteri

Zäntre

D Hochschuel het vier zäntrali Yyrichtige fir speziälli Ufgabe:

• Servicestell Forschig
• Zäntrum fir internationali Aaglägehaite
• Zäntrum fir Medie
• Zäntrum fir Qualitetsmanagement

Weblink

• Websyte vu dr Hochschuel

Fueßnote

47.23393779.5901264

Dä Artikel basiert uff ere fräie Übersetzig vu dere Version vum Artikel „Pädagogische_Hochschule_Vorarlberg“ vu de dütsche Wikipedia. E Liste vu de Autore un Versione isch do z finde.